عیراقێ ڤه‌گه‌راندنا وه‌لاتیێن ژ ده‌رڤه دهێن راوه‌ستاند
ئەڤرۆ نیوز:
ژ ئه‌گه‌رێ نه‌بوونا جهێن پێدڤی بۆ كه‌ره‌نتینه‌كرنا وان وەلاتیێن عیراقی یێن کو ژ دەرڤە دهێنە عیراقێ، ده‌ستهەلاتا فرۆكه‌ڤانیا عیراقێ، ڤه‌گه‌راندنا وه‌لاتیێن ژ ده‌رڤه‌یی وه‌لاتی بۆ عیراقێ راوه‌ستاند، هەتا جهێن پێدڤی بۆ كه‌ره‌نتینه‌كرنێ دهێنه دابینكرن.
دوره‌ید جاسم رێڤه‌به‌رێ گشتی یێ ده‌ستهەلاتا فرۆكه‌ڤانیا مه‌ده‌نیا عیراقێ راگه‌هاند، ل شه‌ڤا بوری بریار هاتیه دان ب راوه‌ستاندنا گه‌شتێن ئەسمانی بۆ ڤه‌گه‌راندنا وه‌لاتیێن عیراقی یێن ژ ده‌رڤه‌ی وه‌لاتی، هەتا وی ده‌مێ جهێن پێدڤی بۆ كه‌ره‌نتینه‌كرنێ بهێنه دابینكرن، ب ئارمانجا پاراستنا سلامه‌تیا ساخله‌میا وه‌لاتیان.
ئەڤ بریارە پشت به‌ستن ب راسپاردێن لژنا راوێژكاری یا تایبه‌ت ب ڤایرۆسێ كۆرۆنایێ ل وه‌زاره‌تا ساخله‌میا عیراقێ بوویە، كۆ داخواز ژ ده‌ستهەلاتا فرۆكه‌ڤانیا مه‌ده‌نیا عیراقی كربوو، ڤه‌گه‌راندنا وه‌لاتێن عیراقی ژ وه‌لاتێن ده‌رڤه بۆ عیراقێ راوه‌ستینن، هەتا جهێن پێدڤی بۆ كه‌ره‌نتینه‌كرنێ دهێنه دابینكرن.
