عیراق دێ مۆله‌تێن چه‌ك هه‌لگرتنێ هه‌لوه‌شینیت
ئه‌ڤرۆ نیوز:
ئه‌ندامه‌كێ لژنا به‌رگریێ و ئاسایشێ ل په‌رله‌مانێ عیراقێ راگه‌هاند، وه‌زیرێ ناڤخوه‌یا عیراقێ ئه‌و ئاگه‌هدار كرینه كو هه‌موو مۆله‌تێن چه‌ك هه‌لگرتنێ دێ هێنه هه‌لوه‌شاندن.
به‌ردر ئه‌لزیادى، ئه‌ندامه‌كێ لژنا به‌رگریێ و ئاسایشێ ل په‌رله‌مانێ عیراقێ د داخۆیانیه‌كا رۆژنامه‌ڤانى دا گۆت” ل سالێن بۆرى ب هزاران مۆله‌تێن چه‌ك هه‌لگرتنێ ب شێوه‌كێ نه قانوونى و به‌رۆڤاژى رێنمایان هاتینه دان”.
كۆت ژى” یاسین ئه‌لیاسرى، وه‌زیرێ ناڤخوه‌یا عیراقێ ئه‌ندامێن لژنا به‌رگریێ و ئاسایشێ ل په‌رله‌مانێ عیراقێ ئاگه‌هدار كرینه بۆ كونترۆلكرنا جاده‌یان ژ دیارده‌یا چه‌كى، هه‌موو مۆله‌تێن چه‌ك هه‌لگرتنێ دێ هێنه هه‌لوه‌شاندن و ئه‌ڤ بریاره دێ هه‌موویان ڤه‌گریت بێ جوداهى”.
رۆهنكر ژى كو وه‌زیرێ ناڤخوه میكانیزمه‌كا نوو بۆ پێدانا مۆله‌تا چه‌ك هه‌لگرتنێ دێ په‌یره‌و كه‌ت كو هه‌لگرتناچه‌كى بۆ ته‌خه‌كا دیاركرى وه‌كو پلێن تایبه‌ت و پارێزه‌رو دادوه‌ران ب خوه‌ڤه بگریت.
