عیراق: پێشنیار هاتیە کرن مووچێ فەرمانبەران بهێتە کێمکرن
ئەڤرۆ نیوز:
ژێدەرەکێ ژ حوکمەتا عیراقێ راگەهاندیە، کو تیما بەرهەڤکرنا مووچەی هژمارەکا پێشنیاران بۆ جڤاتا وەزیران هنارتینە، د ناڤ وان دا پێشنیارا برینا دەرمالێن فەرمانبەران تێدا هەیە.
هەمان ژێدەر بۆ تەلەفزیۆنەکا فەرمى یا عیراقێ دیار کریە، بریارە تیما بەرڤکرنا بوودجێ ئەڤ سالە، ل گەل عادل عەبدولمەهدی سەرۆک وەزیرێ دەست ژ کارکێشا یێ عێراقێ گۆتۆبێژان ل سەر وان پێشنیاران بکەن.
هەروەسا گۆتیە: د پێشنیاران دا هاتیە کو زێدەترین مووچە ژ پێنج ملیۆن دیناران زێدتر نەبیت، زێدەترین مووچێ خانەنشینان ژى ژ چار ملیۆن دیناران زێدەتر نەبیت.
دیار کریە ژی، ب رێژا ٧٥% دەرمالێن مووچێن پلێن بلند و تایبەت بهێنە کێمکرن و دەرمالێن فەرمانبەران ژى لدووڤ زێدە و کێمیا مووچێ وان ب رێژا ٥٠% بهێنە کێمکرن.
