عەبدولمەھدی بریاره‌كا دى یا عەبادی ھەلوەشاند
ئه‌ڤرۆنیوز:
سه‌رۆكێ فراكسیۆنا ده‌وله‌تا قانوونی ل په‌رله‌مانێ عیراقێ ئه‌ڤرۆ پێنجشه‌مبى 28/2/2019 راگه‌هاند، هه‌لوه‌شاندنا باوه‌رناما وه‌قفا شیعى، كاره‌كێ مه‌ترسیداره وپێدڤیه حوكمه‌ت ژوێ بریارێ پاشگه‌ز ببیت.
خه‌له‌ف عه‌بدولسه‌مه‌د، سه‌رۆكێ فراكسیۆنا ده‌وله‌تا قانوونێ ل په‌رله‌مانێ عیراقێ گۆت”ئه‌مینداریا گشتى یا جڤاتا وه‌زیران بریاردایه پشتى به‌ستنێ ل باوه‌رنامێن هه‌ردو وه‌قفێن شیعى وسونى نه‌كه‌ت، ئه‌ڤه پشتى حوكمه‌تا عیراقێ پێشتر ل 30/3/2017 هه‌موو وه‌زاره‌ت ب نڤیسار ئاگه‌هداركرین كو باوه‌رناما ده‌رچوویێن هه‌ردو وه‌قفێن شیعى وسونى بۆ سالێن 2011 و2012 و2013 دباوه‌رپێكرى نه.
ئاماژه ب وێ چه‌ندێ ژى كر كو هژماره‌كا مه‌زن یا قوتابیان زانكۆ ب دووماهى ئینایه وباوه‌رناما ئاماده‌یى یا هه‌ردو وه‌قفان ب زانكۆیان دایه، ئه‌و بریارها ئه‌مینداریا گشتى یا جڤاتا وه‌زیران، هه‌موو ئه‌و سالێن خواندنا قوتابیان ل زانكۆیێ ب هه‌ده‌ر دده‌ت، باوه‌رناما ئاماده‌یى ژى ناهێته وه‌رگرتن.
وى په‌رله‌مانتارى داخواز ژ عادل عه‌بدولمه‌هدى سه‌رۆك وه‌زیران عیراقێ كر پێداچوونێ دوێ بریارێ دا بكه‌ت بۆ وێ چه‌ندێ مافێ وان قوتابیان به‌رزه نه‌بیت یێن ئه‌و بریار ژێ دگریت.
