عەلی زەیدی: چاڤپۆشیێ ل وان گرۆپان ناكەین یێن بزاڤا تێكدانا ئاسایشا كوردستانێ دكەن
عەلێ زەیدی، سەرۆك وەزیرێن ئیراقێ د پلاتفۆڕما (ئێكس) دا ب توندی هێرشێن درۆنی یێن كو ئاسایشا باژێڕێ هەولێرێ ل هەرێما كوردستانێ كریە ئارمانج پرۆتەستۆكر.
زەیدی نڤیسییە ئەڤ جۆرە بزاڤە نەشێن ئیرادەیا وخۆڕاگرییا مللەتی ژ ناڤ ببەن و ئەڤ هێرشە بزاڤێن شكستینە بۆ راوەستاندنا كاروانێ ئاڤەدانكرنا دەولەتێ و تێكدانا ئاشتییا جڤاكی و ب چو شێوەیەكی چاڤپۆشیێ ل ڤان جۆرە كریاران ناكەین.
زەیدی رێنمایی دانە دەزگەهێن ئەمنی یێن پەیوەندیدار كو هەماهەنگییا تەمام ل گەل هێزێن ئەمنی یێن هەرێما كوردستانێ بكەن ب ئارمانجا هەماهەنگیێ د وەرگرتنا هەموو پێرابوونێن پێدڤی بۆ رێگریكرنا دووبارەبوونا ڤان جۆرە هێرشان و رووبڕووبوونا هەر ئالی و گرۆپەكێ كو بڤێت زیانێ ب ئاسایشا وەلاتیێن ئیراقێ ل هەر جهەكێ وەلاتی بگەهینیت.
