عەلی عەدنان ھاتە دورخستن و دبیت بەر ب ڤێ خولێ بچیت
ئەڤرۆ نیوز:
راھێنەرێ یانا ئەتلانتا یا ئیتالی یاریزانێ نیڤدەولی یێ عیراقی عەلی عەدنان ئاگادارکریە بو خوە لێگەریانا یانەکا دی بکەت ژبەرکو ئەوی چو پێدڤی ب شیانێن ئەوی نینە .
ھەردیسان راپورتێن رۆژنامەڤانی ل ئیتالیا دیارکرینە راھێنەرێ ئەتلانتا جان پیرو بەرپرسێن وێ یانێ ئاگادارکرینە ئەوی چو پێدڤی ب شیانێن یاریزانێ ھەلبژارتیێ عیراقێ عەلی عەدنان نینە و ھزر ل فروتنا ئەوی بکەن .
ژلایەکێ دیڤە ئێک ژ ژێدەرێن نێزیکی یاریزانێ ناڤبری بوو مالپەرێ پیشەکارێن عیراقێ دیارکریە بریکارێ وی پشتی ڤێ بریارێ نەچار بوویە نوکە لێگەریانا ئەو خولێن دەرگەھێ ڤەگوھاستنا ھەی بگەریت و نوکە لێگەریانا ھەردو خولێن چین و ئەمریکا کەت بوو وێ چەندێ یاریزان ل ماوێ بھێت نەمینتە راوستای.
ھەژی گوتنێ یە عەلی عەدنان ل ڤەگوھاستنێن ھاڤینا بوری ھەڤبەستا یانا ئەتلانتا ئیمزاکربوو پشتی ژ یانا ئودونیزی ھاتیە ڤەگوھاستن کو ھەتا نوکە ل گەل ڤێ یانێ بتنێ چار یاریان پشکداری کریە ئەوژی ئێک ژ ئەوان وەکو یاریزانێ سەرەکی بوو .
