عەمار کوفی بینەر و حەزژێکەرێن خوە ئاشکرن

ئەڤرۆ نیۆز، سالار دۆسکی

ب جلکێن کوردی و سترانا (کەڤووکێ) یا ھونەرمەندێ مەزنێ کورد حەسەنێ جزیری شیا خەلکێ خوە ل کوردستانێ ئاشنا و شاد بکەت، عەمار کوفی کورێ باژێرێ زاخۆە دپرۆگرامێ ئەرب ئایدل دا ل شەڤا بوری ل کەنالێ mbc شیا دیمەنەکێ دی دچاڤێن بینەر و حەزێکەرێن خوە ل کوردستانێ و دناڤا بەرنامەی دا دروست بکەت.
پشتی لیژنا دادوەر سەرەرایی دەست خوەشیێن بەردەوام ب گۆتنا مەوالەکێ ب زمانێ عەرەبی و سترانا کوردی شادبوون و دیسا جلکێن کوردی ل سەر دەپێ شانوویێ ئەو ب خەملەکا دی ل قەلەم دان، ھەڤدەم پەیچێن فێسبووکێ پشتی پرۆگرامی بێ دەنگ نەبوون و جھێ دەست خوەشی و سوپاسیا بوون و ھەر ئێک ب ھزرەک و ھندەک پەیڤان ھەستێ خوە دیارکریە، مامۆستا ئەڤین حسێن شارەزا ئەکادیمی دبیاڤێ ھونەرێ مۆزیکێ دا دپەیچێ خوە یێ تایبەتێ فێسبووکی دا دیارکریە کو ھەر ئێک جھێ خوە خەباتەکێ دکەت و پێشمەرگە ب پێشمەرگێ شەری یە ب تڤنگا خوە و پێشمەرگە ب ھونەرمەندیا خوە ھونەرێ خوە و پێشمەرگێ زانا بزانستا خوە.

ژ لایێ خوە ڤە سەمەدار مایی رێڤەبەرێ ھونەرێ مۆزیکێ عەمار کوفی ب ستێرا ھونەرێ مۆزیکێ ل قەلەم دا، زێدەباری چەندین کەسان دەست خوەشی لێ کرینە.

کۆمێنتا تە