فالكاو نێزیكى ئیمزاكرنا هه‌ڤبه‌ستا ڤێ یانا عه‌ره‌بى بوویه
ئه‌ڤرۆ نیوز:
هێرشبه‌رێ هه‌لبژارتیێ كولومپیا و یانا گه‌لاته‌سه‌راى یا توركى فالكاو نێزیكى كرنا یاریێ بوویه ئێك ژ یانێن خولا پلا نایاب یا سعودى.
رۆژناما ماركا ئیسپانى ئاشكراكریه به‌رپرسێن یانا هیلال یا سعودى ده‌ست ب دانوستاندنان كریه ل گه‌ل یانا گه‌لاته‌سه‌راى بوو ده‌ستڤه ئینانا هێرشبه‌رێ وێ یانا توركى فالكاو ل هاڤینا بهێت ل جهێ ستێرا خوه یا فره‌نسى گومێز ئه‌وێ بریاره ل هاڤینا بهێت هه‌ڤبه‌ستا وى ل گه‌ل هیلال ب دووماهیى بهێت.
هه‌ردیسان وێ رۆژنامێ ئاشكراكریه ژى یانا هیلال هه‌ڤبه‌سته‌ك پێشكێشى فالكاو كریه وه‌كو موچه‌یێ سالانه 12 ملیون یورۆ هه‌ردیسان هه‌مان پاره به‌رهه‌ڤكریه بۆ یانا گه‌لاته‌سه‌راى بۆ هه‌لوه‌شاندنا هه‌ڤبه‌ستا فالكاوى.
هه‌ژى گوتنێ فالكاو ئێك ژ به‌رنیاسترین هێرشبه‌رانه ل سه‌ر ئاستێ ئورۆپا به‌رى نوكه یارى ل یانێن ئه‌تله‌تیكو مه‌درید و مانچێسته‌ر یونایتد و چێلسى و موناكو كریه و ل هاڤینا بورى په‌یوه‌ندى ب یانا گه‌لاته‌سه‌راى یا توركى كربوو.
