فرنسا:داخوازێ ژ عێراقێ دکەین رێزێ ل هەموو مافێن شەرعی یێن کوردان بگریت
ئەڤرۆ نیۆز،زنار تۆڤی:
وەزیرێ دەرڤە یێ فرنسا داخوازێ ژ حوکمەتا عێراقێ دکەت،کو رێزێ ل تەماما مافێن شەرعی یێن کوردان بگریت، داخوازێ ژ هەرێما کوردستانێ دکەت،کو دەست ب گوتۆبێژەکا دستووری ل گەل بەغدا بکەت.
د راگەهاندنەکێدا جان ئیڤ لودریان، وەزیرێ دەرڤە یێ فرنسا ئەڤرۆ 20-10-2017 دەربارەی دۆخێ عێراقێ و باشۆری کوردستانێ راگەهاند:هەولێن مە د بەردەوامن بۆ دەرکرنا پرۆژە بریارەکی ل ئەنجوومەنێ ئاسایشا نێڤدەولەتی بۆ دەستپێکرنا گفتوگۆیێ دناڤبەرا هەرێما کوردستانێ و حوکمەتا عێراقێ.
هەروەسا وەزیرێ دەرڤە یێ فرنسا داخوازێ ژ حوکمەتا عێراقێ دکەت،کو رێزێ ل تەماما مافێن شەرعی یێن کوردان بگریت،دیسا داخوازێ ژ حوکمەتا هەرێما کوردستانێ ژی دکەت،کوو دەست ب گفتوگۆیێن دستووری ل گەل عێراقێ بکەت.