فروکێن تورکیا ئامێدیێ بوردومان دکەت
ئەڤرو نیوز، رۆژھات لوقمان:
ئەڤرو سپێدێ فرۆکێن سەربازیێن تورکیا ب بھانەیا ھەبونا بارەگایێن پارتا کرێکارێن کوردستانێ ب دژواری دەڤەرا ئامێدیێ بوردومان دکەت.
ھشیار مەجید وەلاتیکێ گوندێ گیزێ یا سەر ب دەڤەرا ئامێدیێ یە بۆ ئەڤرو نیوز گۆت: ( ئەڤرۆ سپێدێ دەردورێن دەمژمێر ٩:٠٠ بوو ١١:٠٠ فروکێن سەربازیێن تورکیا ب بھانەیا ھەبونا بنگەە و بارەگایێن پارتا کرێکارێن کوردستانێ چەند جارەکان ب دژواری بوردومانا دەڤەرا ئامێدیێ کر)
زێدەتر گۆت: (ئەو جھێن ھاتینە بوردوماکرن دوو گوندێن سەر ب دەڤەرا ئامێدیێ بوون کو ئەو ژی ھەردوو گوندێن “کانی ـ ھرورێ “و ھەردوو گوند ژی ئاڤەدانن تایبەتی گوندێ کانێ کو ھژمارەکا خێزانێن موسلمان و کریستیان پێکڤە دژین)
ل گورەی زانیاریێن ئەوەی وەلاتی چوو زیانێن گیانی نینن ، بەلێ زیانێن ماددی بەر خەلکێ دەڤەرێ کەفتینە ب تایبەتی رەز و باغ و بیستانان.
پێشتر ئیسماعیل محەمەد قایمقامێ قەزا ئامێدیێ ب رێکا ئەڤرو نیوز خواست کو پەکەکە خوە ژ گوندێن دەڤەرێ دویر بکەت داکو وەلاتی نەبنە ئارمانجا فروکێن تورکی و زیان نەگەھن دەڤەرێ.
