فرۆكێن توركى ئه‌ڤ ده‌ڤه‌ره توپبارانكر
ئه‌ڤرۆنيۆز:
فرۆكێن شه‌ركه‌ر يێن توركى ئه‌ڤرۆ سپێدێ چيايێ ئاسۆس توپبارانكر وهه‌تا نوكه زيانين وێ توپبارانكرنێ نه‌هاتينه زانين.
قايمقامێ ماوه‌ت، كامه‌ران حه‌سه‌ن، دداخۆيانيێن رۆژنامه‌ڤانى بۆ ده‌زگه‌هێن راگه‌هاندنێ گۆت، توپبارانكرنا چيايێ ئاسۆس، ئه‌ڤرۆ ل ده‌مژمێر 9:35 سپێدێ هاتيه ئه‌نجامدان وبۆ ده‌مێ نيڤ ده‌مژمێرێ يا به‌رده‌وامبوو.
دياركر، هژماره‌كا كێم يا چه‌كدار په‌كه‌كێ ل وى چياى يێن هه‌ين، له‌وما دبيت فرۆكێن توركى ئه‌و توپبارانكرنه ئه‌نجامدابيت. به‌لێ هه‌تا نوكه چو زيانێن وێ توپبارانكرنێ نه‌هاتينه زانين.
چيايێ ئاسۆس دكه‌ڤيته ده‌ڤه‌را گه‌لاله يا ب سه‌ر قه‌زا ماوه‌ت ڤه ل پارێزگه‌ها سلێمانيێ.
