فرۆکێن تورکی چیایێ لینکی بوردۆمان کر
ئەڤرۆ نیوز، زنار تۆڤی:
وەلاتیەکێ ناحیا دێرەلۆکێ ب ناڤێ رەڤەند بۆ ئەڤرۆ نیوز دیار کر: ئەڤ شەڤە، ل دەمژمێر 9:45 خولەک، فرۆکێن تورکی چیایێ لینکی یێ ل هنداڤ دێرەلۆکێ ل قەزا ئامێدیێ ب دژواری بوردۆمان کر.
هەروەسا گۆت ژی: د ڤان سێ هەیڤێن بوری دا، ئەڤە جارا چارێ یە فرۆکێن تورکی چیایێ لینکی بوردۆمان دکەن، دیسان ل هەیڤا شەش یا ئەڤ سالە ژ ئەگەرێ بوردۆمانا فرۆکێن تورکی زەلامەک و کورێ خوە ل وی چیایی هاتینە شەهید کرن، دیسان هەر ژ دەمێ دەستپێکرنا ئۆپەراسیۆنا حەفتەنینێ هەتا نوکە حەفت وەلاتی ل قەزا ئامێدیێ هاتینە شەهید کرن، دیسان چەندین ترۆمبێلێن وەلاتیان ژی هاتینە و سۆتن و هەروەسا ب سەدان دۆنەمێن دارستانێ ژی ژ ئەنجامێ بوردۆمانا فرۆکە و تۆپخانێن سۆپایێ تورکیا ڤە هاتینە سۆتن.
