فلمه‌ك ل دور ئافره‌تێن ئێزدى ل هولا نه‌ته‌وێن ئێكگرتى هاته نیشادان
ئه‌ڤرۆ نیۆز، سالار دۆسكى
ل هولا نه‌ته‌وێن هه‌ڤگرتى پارچه ڤیدیۆیه‌ك ل سه‌ر ئێش و ئازارێن ئافره‌تێن ئێزدى هاته نیشادان و توند و تیژیا سێكسى دژى ژنان ل جیهانێ ب گشتى هاته شه‌رمزاركرن.
جێگرێ نوونه‌رێ عیراقێ ل نه‌ته‌وه‌ێن ئێگرتى بۆ مالپه‌رێ ئه‌ڤرۆ نیۆز ئاشكراكر كو نه‌ته‌وێن ئێكگرتى توند و تیژیا سیكسى ل جیهانێ شه‌رمزاركر، ئه‌ڤه ژبه‌ر وێ چه‌ندێ كو رۆژانه چه‌ندین ئافره‌ت ل سه‌ر ده‌ستێن تیرۆرستێن داعش تووشى توند و تیژیا سكسى دبن.
د.سه‌لوان شنگالى زێده‌تر ژى گۆت: دیسان ب هه‌مان هه‌لكه‌فت ڤیدیۆیه‌كا (20) خوله‌كى ل سه‌ر هولا گشتى هاته نمایشكرن ل سه‌ر ئێش و ئازارێن ئافره‌تێن ئێزدى كو ل سه‌ر ده‌ستێ داعش دیتى نه.
