فه‌یسه‌ل خه‌لیل : ژ نه‌چاری چالاكیێن وه‌رزشی هاتینه‌ راوه‌ستاندن

فه‌یسه‌ل خه‌لیل : ژ نه‌چاری چالاكیێن وه‌رزشی هاتینه‌ راوه‌ستاندن

113

ئه‌ڤرۆ، ره‌مه‌زان زه‌كه‌ریا

د داخویانیه‌كێدا به‌رپرسێ ناڤه‌ندا وه‌رزش و لاوان ل ئاكرێ دیاركر سه‌رباری هه‌بوونا خولێن جودا یێن زانستی و فێركرنێ‌ لێ‌ ژ نه‌چاری ئه‌م نه‌ شیاینه‌ خولێن وه‌رزشی بكه‌ین و هاتینه‌ راوه‌ستاندن.

زێده‌تر فه‌یسل خه‌لیل بۆ رۆژناما ئه‌ڤرۆ گۆت: هه‌رچه‌نده‌ د ده‌مه‌كی دا گه‌له‌ك چالاكیێن وه‌رزشی هه‌بوون لێ‌ ژبه‌ر نه‌بوونا سولفا پێدڤی و ژ كاركه‌فتنا یاریگه‌هێن ناڤه‌ندا ئاكرێ‌ ئه‌م نه‌شیاینه‌    چو خولێن وه‌رزشی ڤه‌كه‌ین ژبه‌ركو ره‌وشا ئابۆری هاریكار نینه‌ پلانێن خوه‌ یێن گرێدایی ب یاریێن وه‌رزشی ڤه‌ ئه‌نجامبده‌ین نه‌ بتنێ‌ یا ئاكرێ‌ به‌لكو سه‌ر ئاستێ‌ پارێزگه‌ها دهۆكێ‌ چو میزانی نینن چالاكیێن خوه‌ بكه‌ین یان یاریگه‌ها خوه‌ نووژه‌نبكه‌ن و ئه‌و میزانیا هه‌یڤانه‌ دهێن بتنێ‌ 400 هزار دینارن كو تێرا ئێك چالاكی ناكه‌ت، لێ‌ ئه‌م هه‌موو بزاڤا دكه‌ین لدووڤ یا پێدڤی و شیانێن به‌رده‌ست كاره‌كێ‌ وه‌رزشی بهێته‌ كرن و ئه‌وا دهێته‌ ئه‌نجامدان ژی ژ ده‌رڤه‌یی یاریگه‌هێن ناڤه‌ندا ئاكرێ‌ نه‌ و ب هه‌ڤكاری ل گه‌ل رێكخراوانه‌، له‌ورا هه‌رده‌مێ‌ یاریگه‌ه هاته‌ نووژه‌نكرن و بارێ‌ دارایی باشتر لێهات پێنه‌ڤێت دێ‌ چالاكی باشتر هه‌بن.

ناڤهاتی ئه‌وچه‌نده‌ ژی دیاركر  رێڤه‌به‌ریا وه‌رزش و لاوان لسه‌ر ئاستێ پارێزگه‌ها دهۆك پلان هه‌یه‌ وه‌كو به‌ریا قه‌یرانا دارایی و په‌ژیا كۆرۆنایێ‌  و به‌رنامه‌ هه‌بوو ل وه‌رزێ هاڤینێ چالاكیێن جودا دهاتنه‌ ئه‌نجامدان و خول دهاتنه‌ ڤه‌كرن ناڤبه‌را ناوه‌ندێن وه‌رزشی  دا و قاره‌مان دهاته‌ هه‌لبژارتن لسه‌ر ئاستێ كوردستانێ رێڤه‌به‌ریا گشتی كار بۆ دكر ، هه‌كه‌ حكومه‌ت پشته‌ڤانیا ناڤه‌ندا بكه‌ت دێ ئه‌ڤ هه‌موو جۆره‌ چالاكیه‌ هێنه‌ ئه‌نجامدان تایبه‌ت ل وه‌رزێ هاڤینێ.

کۆمێنتا تە