فوئاد حسێن: گڤاشتنەكا مەزن ل سەر ئیراقێ هەیە داكو بهێتە د ناڤ ململانێیا ل دەڤەرێ دا هەی
وەزیرێ دەرڤەیا ئیراقێ ئاشكرا كر كو كڤاشتنەكا مەزن ل سەر بەغدایێ هەیە داكو ئیراق بهێتە كێشان د ناڤ وێ ململانێیا نوكە ل دەڤەرێ هەی.
فوئاد حسێن، وەزیرێ دەرڤەیا ئیراقێ د دیدارەكا تەلەڤزیۆنی دا راگەهاند د چارچۆڤەیا ڤان گرژیێن دووماهیێ یێن ل دەڤەرێ هەنین ئیراقێ باجەكا گەلەك مەزن دایە و نێزیكی 200 كوشتی هەنە ل گەل زیانێن ماددی یێن گەلەك مەزن هەروەسا راوەستیانا هنارتنا پەترۆلێ ب شێوازەكێ تەمام ل گەل دەستپێكرنا وێ ململانێ.
ناڤهاتی ئاماژە ب وێ ژی كر كو پێنگاڤێن ژچەككرنا میلیشیایان بەردەوامن و سێ گرۆپێن چەكدار پێرابوونێن رادەستكرنا چەكێن خۆ ب فەرمی دەست پێكرینە بەلێ هەردوو میلیشیایێن كەتائیبێن حیزبوللا و بزاڤا نوجەبا هێشتا خۆ ئێكلا نەكرینە.
فوئاد حسێنی ئاشكرا كر كو بزاڤەكا مەزن هەیە بۆ وێ چەندێ ئیراق بهێتە د ناڤ وێ ململانێ دا د دەمەكێ دا هەلوەستێ ئیراقێ یێ بنەجهە و دژی بەرفرهكرنا شەڕی یە.
د پشكەكا دی یا دیدارێ دا فوئاد حسێنی هەر هێرشەكا كو ئاسایشا كەنداڤێ بێخیتە ئارمانج پرۆتەستۆ كر و بەرهەڤییا حوكمەتا فیدرال ژی بۆ كاراكرنا هەڤكارییا ئەمنی و هەواڵگری ل گەل وەلاتێن كەنداڤێ دیار كر.
