فوتبۆلا عيراقێ سلێمانى ب دژوارى سزا دا

ئه‌ڤرۆ نيوز:

ئێكه‌تيا ناڤه‌ندى يا فوتبۆلێ ل عيراقێ سزايه‌كێ دژوار دا به‌ر يانا سلێمانيێ و ياريا بۆرى ژى ب خوساره‌ت هه‌ژمارت ب سێ گۆلان بێ به‌رامبه‌ر.

د دووماهى ياريا يانا سلێمانى و يانا نه‌فت دا، پشتى هاتنا كه‌سه‌كى ب ئالايێ كوردستانێ بۆ ناڤ ياريگه‌هێ، گۆلچى و ياريكه‌رێن يانا نه‌فت به‌زينه‌ وى پشته‌ڤانى و ب دژوارى قوتا.

ژ به‌ر ڤێ كێشێ و چه‌ند كێشێن دى يێن ناڤ ياريگه‌هێن عيراقێ، ئێكه‌تيا ناڤه‌ندى يا فوتبۆلا عيراقێ كۆمبوونه‌ك گرێدا و تێدا بڕيار دا يانا سلێمانى به‌رامبه‌ر نه‌فت ب سێ گۆلان بێ به‌رامبه‌ر بهێته‌ خوساره‌ت كرن د ده‌مه‌كى دا كو ئه‌و يانه‌ ب ئه‌نجامێ دو گۆلان به‌رامبه‌ر گۆله‌كێ سه‌ركه‌فتن تۆمار كربوو.

د سه‌ر ئه‌نجامێ ياريێ ژى فوتبۆلا عيراقێ راگه‌هاند كو ئه‌وێ تيما سلێمانيێ ب 10 مليۆن دينارێن عيراقى ژى سزادا و پێنج ياريێن بهێت ژى دێ ل ژ ده‌رڤه‌ى ياريگه‌ها خوه‌ ئه‌نجام ده‌ت.

ب گۆره‌ى مالپه‌رێ يانا سلێمانى يێ وه‌رزشى ژى، بڕياره‌ يانا سلێمانى يا وه‌رزشى كۆمبوونه‌كا نه‌ئاسايى گرێده‌ت و تێدا بڕيارا خوه‌ ل سه‌ر ڤى بابه‌تى بده‌ت.

کۆمێنتا تە