فیستەڤالا پێنجێ یا شانۆیا سەرجادێ یا نێڤدەولەتی هاته ڤه‌كرن
ئەڤرۆ نیوز ، زنار تۆڤی:
ئەڤرۆ پێنجشەمبی ب سەرپەرشتیا وەزارەتا رەوشەنبیری و لاوان یا حوکمەتا هەرێما كوردستانێ، رێڤەبەریا رەوشەنبیری و هونەری ل كەركوكێ و ب هەماهەنگیا گروپێ شانۆیا هەوار، فیستەڤالا نێڤدەولەتی يا شانۆیا سەرجادێ یا پێنجێ ل ژێر ناڤی گەرا (هونەرمەند حسێن میسری) دەست بە کارێن خوە یێن شانۆیێ کر، چالاكیێن ڤێ فیستەڤالێ دێ بۆ ده‌مێ (3) ڕۆژان یا بەردەوام بیت.
نەژاد نەجم، سەرۆكێ فیستەڤالێ بۆ ئەڤرۆ نیوز گۆت: د گەرا ئەڤ سالەدا هژمارەکا نمایشێن جۆدا یێن شانۆیا ناڤخوه و دەرڤە دێ هێنە ئەنجامدان، هژمارەکا پەنەل و وۆركشۆپا بۆ كۆمەکا شانۆكارێن ئیرانی، میسر، تونس، كوردستان و عێراقێ دێ هێنە ساز کرن، چەندین سمینارێن جۆدا یێن تایبەت ب فیستەڤالێ دێ هێنە پێشكێش کرن.
گۆت ژی: ئەڤ سالە دێ (25) نمایشێن شانۆیێ دێ هێنە نیشادان، ژ پێنج وەلاتین عەرەبی، چار گروپێن ئیرانی، پێنج گروپ ژ باژێرێن عێراقێ و هەروەسا هەر پێنج پارێزگەهێن كوردستانێ دێ پشکدار بن.
