فیفا و ئاسیا قەبول ناکەت عیراق یاریێن خوە ل وەلاتێ ئیرانی بکەت
ئەڤرۆ نیوز:
ھەردو ئێکەتیێن نیڤدەولی یێن تەپا پێ فیفا و ئاسیا داخوازیا ئێکەتیا تەپا پێ یا عیراقێ رەتکر کو یاریگەھێن وەلاتێ ئیرانی یاریگەھێن وێ بن د ڤاڤارتنێن دووماھیێ یێن دەربازبوونێ بۆ موندیالا روسیا یا جیھانی .
سەروک ئێکەتیا تەپا پێ یا عیراقێ عەبدولخالق مەسعود دیارکر نڤێسنەکا فەرمی گەھشتی یە بەردەستێ ئێکەتیا تەپا پێ یا عیراقی کو ئێکەتیا فیفا و ئاسیا رەتکری یە ھەلبژارتیێ عیراقێ یاریگەھێن وەلاتێ ئیرانی وەکو یاریگەھا خوە بدەنن ل ڤاڤارتنێن موندیالا جیھانی .
زێدەتر سەروک ئێکەتیا تەپا پێ یا عیراقێ دیارکر دیارکر ئەو د رژدن بۆ کرنا یاریێن خوە ل ئیرانی بکەن و ئەو دێ جارەکا دی داخوازێ ژ ئێکەتیا ئاسیا و فیفا کەن و ھەردیسان دێ نە رازیبوونەکێ پێشکێشی دادگەھا کاس یا نیڤدەولی ژی کەن بۆ ل سەر نە رازیبوونا ھەردو ئێکەتیێن ئاسیا و فیفا ژبەرکو بەری نوکە ژی ھەمان وەلات ئەردێ یاریێن ھەلبژارتیێ عیراقێ بوون د ڤاڤارتنێن دەستپێکێ دا .
ل دووماھیێ دیارکر ئەو دێ داخوازیەکا دی ژ ھەردو ئێکەتیا بکەن دیڤچوونا یاریگەھێن عیراقێ بکەن و بشێن یاریێن ھەلبژارتیێ عیراقێ بھێنە ڤەگوھاستن بۆ یاریگەھێن عیراقێ .
