فێستیڤالا شەل و شەپكان ل زاخۆ بەر ب ناڤدەلەتبوونێ
عەبدولرەزاق نهێلی
ئەنجامدانا چالاكیان د بیاڤێن جودا جودا دا؛ ژ خالەكێ دەستپێدكەت و هێدی هیدی دبنە گاڤ و د بۆرینا دەمی دا ب شێوكێ پلانگێرییا سەركەفتی دەلیڤە هەیە ئەو گاڤ ببنە باز و سنۆران دەربازبكەن و بیتە جهێ سەرسۆرمانێ بۆ دەوروبەران ب گشتی.
گێرانا فەستیڤالا شەل و شەپكا ل زاخۆ؛ بەری چار سالان پێنگاڤەكا باشبوو هاتیە هاڤێتن و ل وی دەمی من ئاماژە پێ كربوو كو ئیدارەیا سەربەخۆیا زاخۆ یا شیرێ خوە دمەهینێت بۆ هندێ كو ببیتە ماستەكێ باش بۆ سوبەهی و ئەڤرۆكە ب گەشبینی دبێژم كو شیر دمەهیت و ماستەكێ كۆچەران یێ نایاب ژێ چێدبیت و سەرتیك و بەرهەمی وێ دێ وەلات هەمی مفاداربیت ب شێوازێن جودا، تایبەت د بیاڤێ گەشەكرنا كەرتێ گەشتوگوزارێ دا.
چونكو كاربدەستێن زاخۆ ب گشتی ب ژیرانە و كار بۆ باشتربوونێ د هەمی بیاڤان دا دكەن، بگرە ژ گەشتوگوزارێ و وەرزشێ و هونەری و چاندنێ و پێشەسازیێن دی. ب تایبەت زاخۆ پشتی بوویە ئیدارا سەربەخۆ و ب پالپشتی و ب میكانزم و پلانێن ستراتیچی و رێكخستی ژلایێ حوكمەتا هەرێما كوردستانێ و پشتەڤانیا ئێكسەر یا جەنابێ سەرۆك وەزیران رێزدار/ مەسرۆر بارزانی و هەمی سازیان ڤە وەكو تیم پێكڤە كاردكەن، هەولا پێشكێشكڕنا باشترینی دكەن و ئەڤرۆ گاڤان دهاڤێن، داكو سبەهی بكەنە باز و بەر ب پێشەرۆژەكا گەشتر و تایبەت بیاڤێ گەشتوگوزاریێ دا پلانێن مەزن دیاردبن و گەڕا چارێ یا فەستیڤالا شەل و شەپكان ئەوا ل رێكەفتی 10/11 ڤێ هەیڤێ دهێتە گێران دەرگەهەكە بۆ دانەسینا كولتوور و كەلەپۆرێ كوردی و پتر راكێشانا گەشتیاران و زێدەبازی ڤەدیتنا بازارێ فرۆتنا شەل و شەپكان و دوبارە ڤەژاندنا خۆدان پیشەیێن وان و ژ نێزیك فەستیڤالەكا دی یا مەزن ل سنوورێ ئیدارا سەربەخۆیا زاخۆ دێ هێتە گێران و ب ڤێ چەندێ دێ بزاڤا گەشتوگوزارێ خورت بیت و ب هزاران دەلیڤەیێن كاری بۆ گەنجێن لاو یێن دەڤەرێ پەیدا بن ب رێكێن جودا جودا.
ئەڤ جۆرە چالاكییە د بنەرەت دا؛ دبنە هێڤێنێ ڤەژەنا كەرتێ گەشتوگوزارێ و سەرنجا جیهانا ژ دەڤە رادكێشێت و سیناهێین باشن ژبۆ رۆناهیا پاشەرۆژێ ب گشتی.
ب پێدڤیەكا سەردەم دزانم كو ل دەڤەرێن دی یێن هەرێما كوردستانێ گرنگیێ بدەنە چالاكیێن كولتووری و هونەری و ژینگەهی و ئەڤ چەندە دێ بیتە فاكتەرەكێ ب هێز یێ گەشەیا كەرتێ گەشتوگوزارێ ل هەرێما كوردستانێ.
ب دیتنا من ئەڤ فەستیڤالە دێ سنوورێن ناڤخویێ دەربازكەت و چیت بەر ب ناسناڤێ ناڤدەولەتبوونێ ب خۆڤە گریت و ئەڤ چەندە دێ بیتە فاكتەرەكێ موكم یێ ئابووری و جڤاكی و سیاسی و گەشتیاری بۆ ئیدارا سەربەخۆ یا زاخۆ ب تایبەتی و هەرێما كوردستانێ ب گشتی.
مفایێن فەستیڤالا
ناڤدەولەتی یا شەل و شەپكان دێ چ بن؟:-
١- راكێشانا گەشتیارێن بیانی بۆ ئیدارا سەربخۆیا زاخۆ و هەرێما كوردستانێ و ئەڤ چەندە دێ بیتە هۆكار كو دراڤێ گران بها بكەڤیتە د بازاری دا، ڤەلڤینا بازار كەرتێ گەشت و گوزارێ ل هەرێما كوردستانێ .
٣-موكومكرنا پەیوەندیێن سیاسی د ناڤبەرا وەلاتێن جیهانێ و هەڤسوی دا.
٤- پەیداكرنا پەیوەندیێن جڤاكی ل گەل وەلاتێن بیانی.
٥- راكێشانا وەبەرهێنەرێن بیانی د بیاڤێن جودا جود دا تایبەت وەبەرهێنەرێن گەشت و گوزارێ.
٦- هاتنا داهاتەكێ باش؛ ب رێیا سەرەدانكەر و گەشتیاران.
٧-هاندانا حوكمەتێ و وەلاتیان كو پتر گرنگیێ ب دەڤەر و جهێن خوە بدەن.
٨- باژێر و وەلات ب فەستیڤالێن ناڤدەلەتێ گەشێ دكەت ب رێكێن شارستانێ.
٩- دبیتە فاكتەر كو ژمارەك ژ هونەرمەند و فلمساز دیمەنێن باژێر و وەلاتی بكاربینن بۆ بەرئینانا فلمێن خوە یێن باش.
ئەڤە چەندین خالێن دی كو پڕانیا وان د مفادارن بۆ وەلاتی ب گشتی.
بۆچی گرنگە ئەڤ فەستیڤالە بهێنەكرن و ناسناڤێ ناڤدەولوتبەنێ ب خۆڤە بگرین ژبەر ڤان خالێن ل خارێ دیار :-
١- پاراستنا شەل و شەپكان بۆ نفشێ داهاتی.
٢- ڤەدیتنا بازارێ خۆدان پیشەیێن چێكرنا شەل و شەپكان و بەردەوامیدان ب چێكرنێ.
٣-نیشادانا كولتوور و كەلەپۆرێ كوردی بۆ گەشتیار و سەرەدانكەران.
٤- راكێشانا گەشتیاران بۆ دەڤەرێ.
٥- ڤەلڤینا كەرتێ گەشت و گوزارێ ل كەرتێ تایبەت.
٦- پەیدابوونا چەندین دەلیڤەیێن كاری بۆ وەلاتیان.
٧- تێكهەلبوونا دابونەریتان ژ لایێ گەشتیار و سەردانكەر و وەلاتیان ڤە.
٨- دانەنیاسینا زاخۆ ب شێوەكێ باشتر بۆ گەشتیاران ب رێكا گێرانا فەستیڤالێ.
٩- لێكنێزیكبوونا نەتەوەیان ژ لایێ كولتووری ڤە.
١٠- پەیداكرن و موكومكرنا پەیوەندیێن جڤاكی ژ لایێ وەلاتیان و سەدانكەر و گەشتیاران.
١١- هاتنا دراڤەكێ باش بر زێدەتر ژ 18 تەخ و چینان ب رێكا بازاركرنێ.
١٢- گرێدانا وەلاتیان ب پیرۆزیێن وەلاتی ب گشتی.
پلانەكا ستراتیجی یا نایابە و هیڤیا بەردەوامیێ و بەرفەرهبوونا بابەتێن دهێنە نیشادان ب شێوەكێ باشتر و ببیتە فەستیڤالەكا نیڤدەلەتی ل سەر ئاستێ كوردستانێ و ئیراقێ و جیهانێ داكو پتر كولتوور و كەلەپۆرێ نەتەوەیا كورد نیشا جیهانێ بهێتەدان زێدەبارێ سەرنجا دنیاێێ بو گەشتكرنێ ل كوردستانێ و گەشەكرنا ئابورێ كەرتێ گەشتوگوزارێ و كوردستان ببیتە خۆدان ئابوورەكێ بهێزتر و گەشەیا كەرتێ گەشتیاری و ب دیتنا من فەستیڤال ب هەمی واتەیا خوە یا بەرهەڤە بۆ ناسناڤی و وەلات هەر یێ ئاڤەدان بیت.
* بكالوریۆس ب زانستێن گەشتیاری
