قادسيا كوێتى بۆ ياريا هه‌ولێر شيانێن هنده‌ك ياريكه‌رێن خوه ژ ده‌ست دان
ئه‌ڤرۆ نيوز:
راهێنه‌رێ تيما قادسيا كوێتى يا ته‌پا پێ راگه‌هاند كو هه‌ر ئێك ژ ياريكه‌رێن وێ يێ نێژيرى، عه‌بدولا شه‌هيۆ و حه‌مه‌د ئه‌مان يێن ژ ده‌رڤه‌ى ليستا ياريكه‌رێن ياريا دووماهيێ ژ كاسا ئێكه‌تيا ئاسيا.
بڕياره سوبه‌هى رۆژا شه‌مبى د ياريا دووماهيا كاسا ئێكه‌تيا ئاسيا دا، هه‌ردو تيمێن هه‌ولێر يا عيراقى و قادسيه يا كوێتى رووى ب روويێ ئێك بن ل ياريگه‌ها مه‌كتوم بن راشد ل ئيمارات كو د هه‌مان ده‌م ياريگه‌ها تيما شه‌باب يا ئيماراتى يه.
راهێنه‌رێ تيما قادسيه يا كوێتى ئه‌نتۆنيۆ بۆتشى دياركر كو ئه‌وى هنده‌ك چاره‌يێن به‌روه‌خت هه‌نه و ده‌م ژى يێ ل به‌ر ده‌ست هه‌يى بۆ پێگوهۆڕا و گۆت: “شه‌هيۆ و ئه‌مان ژى هێش يێ ل ژێر چاڤدێريێ و راهێنانێن ب تنێ ئه‌نجام دده‌ن”.
زێده‌تر گۆت: “چاره‌نڤيسى وان هێشتا نه‌هاتيه دياركرن كا دێ شێن پشكداريێ كه‌ن يان نه”.
