قارەمانیا دھوک یا نێڤدەولەتی ئەڤرۆ دێ دەستپێکەت
ئەڤرۆ، قەیس وەیس:
بریارە ئەڤرۆ ئێڤاری ل ھولا ناڤەندا لاوان ل باژێرێ دھۆکێ قارەمانیا دھۆک یا نێڤدەولەتی یا شەترەنجێ بھێتە ئەنجام دان ئەوا باوەر پێکری ژلایێ ئێکەتیا شەترەنجا جیھانی ڤە.
ل دور ڤێ قارەمانیێ سەروکێ ئێکەتیا شەترەنجا پارێزگەھا دھۆکی دداخویانیەکا تایبەت دا بو روژناما ئەڤرۆ گوت: ماوێ چار سالانە ل دووڤ ئێک شیاینە ڤێ قارەمانیێ ئەنجامبدەین و مفایەکێ باش ل یاریزانێن مە دکەت و خالێن وان بلند دکەت د لیستا یاریزانێن ئێکەتیا جیھانی دا.
دیسان کەمال جەلال بەردەوامی دا ئاخفتنا خو و گوت پتر ژ ٣٠ یاریزانان پشکدارن ژ باژێرین ھەولێر و مویسل و روژئاڤایا کوردستانێ و بو ماوێ شەش روژان د نەە گەران دا دێ ھەڤرکیێ کەن ب شێوازی سیستەمێ سویسری کو ژ ٧٥ خولەک د ٣٠ چرکەیان دا ڤێت لڤین ھەبیت.
