قایمقامێ کفری: فڕۆکێن ھەڤپەیمانان زیان گەھاندینە بنگەە و بارەگایێن داعش
ئەڤرۆ نیۆز، قائید میرۆ:
ئەڤرۆ فڕۆکێن ھەڤپەیمانان ل سنوورێ ھەرێما کوردستانێ بنگەە و بارەگایێن داعش بوردۆمانکرن و بەرپرسەکێ حوکمەتێ ژی دبێژیت، ھێزێن پێشمەرگەی یێن د ئامادەباشیێ دا بۆ بەرسڤدانا ھەر ھێرشەکا داعش.
جەلال نووری، قایمقامێ قەزا کفری بۆ ئەڤرۆ نیوز دیار کر کو پشتی گەھشتنا پێزانینان ل دۆر لڤینێن چەکدارێن داعش ل سنوورێ قەزا کفری یا سەر ب ئیدارا گەرمیان ڤە ئەڤرۆ فڕۆکێن ھەڤپەیمانان بنگەە و بارەگایێن داعشێ ل سنوورێ ناحیا نەوجوول بوردۆمانکرن و د ئەنجامدا زیانێن مەزن ب تیرۆرستێن داعشێ گەھاندن.
ناڤھاتی خویا کر کو داعش بوویە مەترسی ل سەر دەڤەرێ، بتایبەتی ل دەڤەرێن د ناڤبەرا قەزا کفری و خورماتوو دا بووینە ھێلینا چەکدارێن داعش و لڤینێن وان زێدەبووینە و گۆت: “ھێزەکا پێشمەرگە و ئاسایشێ ل دەڤەرێ ھاتیە جێھگیرکرن بۆ بەرسڤدانا ھەر ھێرشەکا داعش، ھەرچەندە ژی ل سەنتەرێ قەزایێ د دوورن، بەلێ داعش ھەموو جاران مەترسیە بۆ رەوشا ئەمنی و وەلاتیان.
