قه‌ده‌غه‌كرنا گرتنا ماسیا بۆ ماوێ 15 رۆژان هاتیه درێژكرن
ئه‌ڤرۆ نیوز، بارزان مزووری:
شوكری عومه‌ر مسته‌فا به‌رپرسێ كومه‌لا سامانێن ماسیان ل هه‌رێما كوردستانێ بۆ ئه‌ڤرۆ نیوز دیار کر ئه‌ڤسالە ماوێ قه‌ده‌غه‌كرنا گرتنا ماسیان بۆ ماوێ 15 رۆژان هاتە درێژكرن ژبه‌ر وان گهورینێن ب سه‌ر كه‌ش و هه‌وای دا دهێن، سالانه ل رێکكه‌فتی 1/3 بریارا قه‌ده‌غه‌كرنا گرتنا ماسیان دهاتە دان هه‌تا هه‌یڤا 6 دا د نها دا هه‌موو نێچیرڤان هاتینه ئاگه‌هداركرن كو ماوێ وان هاتیه درێژكرن.
ناڤهاتی خویاكر بریارا قه‌ده‌غه‌كرنا ماسیان ژ خودان پرۆژان ناگریت ئه‌و دێ به‌رده‌وام بن ژ خودانكرن و فروتنا ماسیان رێك دێ بۆ وان هێته دان بفرۆشنه جهێن فروتنا ماسیا و خارنگه‌ها لدوڤ رێنمایێن مه بۆ وان دابین كرین به‌لێ هه‌ر وه‌خته‌كێ بهایێ وان بهێت گران كرن ئه‌و كه‌س دهێته سزادان ب رێكا لژنه‌كا تایبه‌ت كۆ مه هه‌موو قه‌زایان ئه‌و لژنا سامانێن ماسیان یا هه‌ی ژبه‌ركۆ مه‌ره‌ما سه‌ره‌كی یا مه ئه‌وه پالپشتیا به‌رهه‌مێ خومالی دكه‌ین ده‌لیڤێن كاری بۆ وان كه‌سا باشتر لێ بكه‌ین ژبه‌ركۆ پارێزگه‌ها دهوك پێتڤی ب رێژه‌كا مه‌زن یا ماسیایه به‌ری نها ب شێوه‌یه‌كێ فه‌رمی ده‌رڤه‌ی كوردستانێ دهاتنه دهوك به‌لێ پشتی ماسێن ناڤه‌راست و باشورێ عێراقێ توشی نه‌خوشیه‌كێ بوین ل سالا بوری هاتنا وان هاته قه‌ده‌غه‌كرن ب هاتنا وان ماسیا ژی پارێزگه‌ها دهوك پر نه‌دبۆ ژ ماسیا ئه‌م هه‌ر پێتڤی بوین نها ژی ب شێوه‌یه‌كێ فه‌رمی چ جورێن ماسیان ناهێنه پارێزگه‌ها دهوك بشێوه‌یه‌ك فه‌رمی.
ناڤهاتی گۆت: (ل پارێزگه‌ها دهوك نێزیك هزار نێچێرڤانێن گرتنا ماسیا یێن هه‌ین 400 ژوان نێچیرڤانا نه‌فه‌رمی نه هه‌موو ژوان نێچیرڤانا دهێن ئاگه‌هداركرن كۆ گرتنا ماسیان قه‌ده‌غه‌یه پشتی ئه‌و بریار جێ به جێ دبیت).
به‌رپرسێ كومه‌لا سامانێن ماسیان ل هه‌رێما كوردستانێ گۆت ژی : بۆ ئێكه‌م جاره كۆمه‌لا سامانێن ماسیان دهێت دامه‌زراندن ل هه‌رێما كوردستانێ كۆ بنگه‌هێ سه‌ره‌كی ل دهوكه به‌لێ پارێزگه‌هێن هه‌ڤلێرو سلێمانی و هه‌له‌بچه ژی داخاز مه‌كریه كۆ لقێن كومه‌لا خۆ ل وان جهان ڤه‌كه‌ین ئه‌م یێ كار دكه‌ین كۆ هه‌موو پارێزگه‌ها ڤه‌كه‌ین بنگه‌هێ سه‌ره‌كی ژی هه‌ر دهوك بیت لدوڤ سیسته‌مێ جیهانی ئه‌ندام دهێن وه‌رگرتن تێدا نه‌وه‌كۆ عێراقێ ئه‌ندامێن وان بتنێ خودانێن پرۆژانه كومه‌لامه خودان پرۆژا و نێچیرڤان و كه‌سێ شه‌هره‌زا دبوارێ ماسیان دا دێ كه‌ته ئه‌ندامێن كومه‌لێ.
