قه‌يرانا داراى ل به‌ر چاڤ وه‌رنه‌گرت
ئێكه‌تيا ناڤه‌ندي يا ڤولى بولێ ل عيراقێ بريار دا هه‌ڤركيێن خولا پلا ناياب يا ڤولى بولێ ل سه‌ر ئاستێ كچان ل ده‌ستپێكا هه‌يڤا بهێت ده‌ستپێبكه‌ن و يانێن پشكدار ل سه‌ر دو كومان بهێنه به‌لاڤه‌كرن.
زێده‌تر ئێكه‌تيا ناڤبرى ئه‌و چه‌نده ژى خوياكريه كو يانێن پشكداري خولێ ل سه‌ر كومێن باكور و باشور بهێنه به‌لاڤه‌كرن و هه‌ڤركي ل 10\10\2014 ده‌ستپێبكه‌ن كو هه‌ڤركيێن كوما باكور ل هه‌ولێرێ بهێنه كرن و قه‌يرانا داراى يا هه‌رێما كوردستانێ و يانێن وێ ڤه‌گرتى ل پێش چاڤ نه هاتيه وه‌رگرتن.
زێده‌تر د ڤي بياڤى دا بريار هاتيه دان كو يانێن دێ پشكداريێ كه‌ن مافێ ئينانا ياريكه‌رێن پيشه‌كار نابيت و پێدڤييه گرنگى ب ياريكه‌رێن نافخو بهێته دان.
زێده‌تر ژ ژێده‌ره‌كى ل ئێك ژ يانێن كوردستانێ يێن تيما ڤولى بولا كچان هه‌ى هاته زانين كو هه‌ر چه‌نده ياريكه‌ر و راهێنه‌رێن وان به‌رهه‌ڤيا پشكداريێ كريه ب كێمتر بودجه هه‌كه بو بهێته دابينكرن لێ ئه‌و چه‌نده ژى د شيانێن وان دا نينه.
