قونسلا وه‌لاتێ چیك دووڤچوونا پرۆژێ خانیێ كچێن ئێتیم دكه‌ت
ئه‌ڤرۆ نيوز:
ئه‌ڤرو سپێدێ 23-4-به‌هزاد علی ئاده‌م جێگرێ پارێزگه‌رێ دهوكێ واسماعیل محمد احمد هاریكارێ پارێزگه‌ری بو كاروبارێن مروڤایه‌تی پێشوازیا( ئیڤا ده‌ردكوڤا) كونسلا وه‌لاتێ چیك ل كوردستانێ وشاندێ دگه‌لدا كر.
دهه‌ڤدیتنه‌كێدا بئاماده‌بونا رێڤه‌به‌ر ئه‌شغال ونیشته‌جێكرنێ به‌حسێ ره‌وشا ئاواره‌یان وپه‌یوه‌ندیێن دوو قولی وقوناغێن ئاڤاكرنا پروژێ خانیێ كچێن ئێتیم هاته كرن.
دته‌وه‌ره‌كێ دن دا به‌حسێ سه‌ره‌دانا شانده‌كێ حكومه‌تا كوردستانێ بو وه‌لاتێ چیك ژبو موكومكرنا په‌یوه‌ندیان دناڤبه‌را هه‌ردوو وه‌لاتان دا هاته كرن.
كونسلا وه‌لاتێ چیك دیاركر كو لڤان نێزیكا هه‌ڤبه‌سته‌كا ل هه‌ڤ تێگه‌هشتنێ دناڤبه‌را وه‌لاتێ چیك ووه‌زاره‌تا پێشمه‌رگێ كوردستانێ دێ هێته واژوكرن ژبو چاره‌سه‌ركرنا بریندارێن پێشمه‌رگه‌ی ل وه‌لاتێ چیك.
جێگرێ پارێزگه‌رێ دهوكێ خوشحالیا خو ب هاتنا شاندی دیاركر وسوپاسیا وه‌لاتێ چیك كر هه‌مبه‌ر وان پروژێن ل پارێزگه‌هێ ئه‌نجامده‌ن و وپشته‌ڤانیا پارێزگه‌هێ نیشان دا بو هه‌ر هاریكاریه‌كێ بو وێ یه‌كێ كار وپروژێن كونسلخانا وه‌لاتێ چیك ل پارێزگه‌هێ باشتر بهێنه ئه‌نجامدان .
پاش كونسلا وه‌لاتێ چیك وهاریكارێ پارێزگه‌ری بو كاروبارێن مروڤایه‌تی سه‌را پروژێ ئاڤاكرنا خانیێ كچێن ئێتیم ل سه‌نته‌رێ دهوكێ دا وژنێزیك سه‌حكره قوناغێن بجه ئینانێ.
هه‌ژی گوتنێ یه پروژێ ناڤبری ب پشته‌ڤانیا دارایی یا كونسلخانا چیك بكوژمێ (2088) هزار دولاران بو كچێن ئێتیم دهێته ئاڤاكرن وتا نوكه 42% هاتیه بجه ئینان وبریاره 60-70زاروكێن كچ یێن ئێتیم یێن ئاوارا وخه‌لكێ خوجهێ پارێزگه‌هێ لێ بهێنه بخودانكرن.
