قووناغا دیزاینكرنا ل سەر كومپیۆتەری پێدڤی ب ئارامیێ هەیە
عایشە عەجیب
سەفا محەمەد، خانمەكا دەستڕەنگیا خەلكا زاخۆیە و ئێك ژ پشكدارێن پێشانگەها نێڤدەولەتی یا دویێ بوویە ل زاخۆ، ئەوا ل حەفتیا بۆری هاتیە ڤەكرن، د دیدارەكێ دا بۆ رۆژنامەیا ئەڤرۆ دبێژیت: دژیەكێ بچووك دا من حەزدكر كارەكێ نوو بكەم، ئەو پشتی من خواندنا خۆ ب دووماهی ئینای من نەڤیا بێكار بمینم، لەورا ئەڤ دو سالن ئەز كارێ (3D) دكەم و یا دلخۆشم بكارێ خۆ.
ناڤهاتیێ گۆت: بۆ ڤی كاری هەڤژینێ من گەلەك هاریكارێ منە و هەكە ئەو نەبا ڕەنگە ئەز نەشیابام یا بەردەوامبم، چنكو ڤی كاری وەختەكێ زێدە دڤێت و قوناغا دیزاینكرنا ل سەر كۆمپیۆتەری پێدڤی ب ئارامیێ هەیە دا كو چو شاشی چێ نەبن و زەحمەتیا مە یا سەرەكی ژی دانەنیاسینا ڤێ تەكنۆلۆژیا نوو بۆ خەلكی و نیشادانا كوالیتیا كاری پشتی چاپكرنێ و ئارمانجا من ئەوە ئەڤ پرۆژەیە بگەهیتە ئاستێ كارگەهەكا مەزن ل كوردستانێ، لێ پێدڤی ب پشتەڤانیێ یە دا بەرهەمێ ناڤخۆ بهێتە زێدەكرن و ئینانا كەلوپەلان ژ دەرڤە كێم بكەین، هەروەسا دەلیڤەیێن كاری بۆ گەنجان زێدە بكەین و ڤێ تەكنۆلۆژیا نوو پتر پێشڤە ببەین.