كارتێكرنا خورانا حه‌بێن راوه‌ستانا عاده‌يا هه‌يڤانه
ئه‌ڤرۆ نيوز:
ژ ئه‌نجامێ وێ ئێشتانا زۆر يا ژن تووش دبنێ ژ به‌ر عاده‌يا هه‌يڤانه، به‌ر ب خوارنا حه‌بكان دچن و نۆشدار ژى ديار دكه‌ن كو ئه‌و حه‌بك گه‌له‌ك زيانێ دگه‌هيننه وان.
نوشدارێن تايبه‌تمه‌ند ئاماژێ ب وێ چه‌ندێ دكه‌ن كو خوارنا حه‌بكان بۆ راوستاندنا عاده‌يا هه‌يڤانه زيانێن خوه يێن مه‌زن هه‌نه و دبيته ئه‌گه‌رێ تێكدانا گه‌شه‌كرنا هۆرمۆنان و تێكدانا سيسته‌مێ له‌شى و زيانێن مه‌زن دگه‌هينيتێ.
ب گۆره‌يى وان نوشدارێن تايبه‌تمه‌ند ب ژنان و ڤان كاران ڤه رادگه‌هينن كو زيانێن خوارنا وان حه‌بكان گه‌له‌ك ژ مفايێن وان زێده‌ترن، هندى ژێ دووركه‌ڤن باشتره، ديسا بۆ وان ژنێن د هه‌يڤا ره‌مه‌زانێ ژى دا وان حه‌بكان دخون دا هه‌يڤێ هه‌موويێ ب رووژى بن دده‌نه زانين كو ئه‌و ژى يا خه‌له‌ته.