كارلۆ ئه‌نشيلوتى راهێنه‌ريا ڤێ هه‌لبژارتيێ گه‌هشتيه مونديالا رۆسيا ره‌تكر
ئه‌ڤرۆنيۆز:
راهينه‌رێ به‌رنياسێ ئيتالى كارلۆ ئه‌نشيلوتى گرێبه‌سته‌كا ب بها ره‌تكر كو ژلايێ ئێكه‌تيا سعودى يا ته‌پا پێى بۆ هاتى كوببيته راهينه‌ري هه‌لبژارتيێ سعوديێ.
ل دووڤ تۆرا بريميۆم سپۆرت يا وه‌رزشى، ئێكه‌تيا ته‌پا پێى يا سعودى گرێبه‌سته‌كا ب بها، بێ كو ئاماژێ ب گۆژمێ گرێبه‌ستێ بده‌ت، پێشكێشى ئه‌نشيلۆتى كر بۆ وه‌رگرتنا ئه‌ركێ راهێنه‌ريا هه‌لبژارتيێ سعوديێ كو شيايه بگه‌هيته مونديالا رۆسيا 2018، به‌لێ ئه‌نشلوتى راهێنه‌ري به‌رێ يێ يانا بايرن ميونيخ ئه‌و گرێبه‌سته ره‌تكر.
پشتى هه‌لبژارتيێ سعوديێ ب سه‌رپه‌رشتيا راهێنه‌رێ هوله‌ندى مارفيك، شيا بگه‌هيته مۆنديالا رۆسيا، به‌لێ پاشى ئێكسه‌ر راهێنه‌رێ هوله‌ندى ژلايێ ئێكه‌تيا ته‌پا پێى يا سعودى ڤه هاته دوورخستن وگرێبه‌ست ل گه‌ل راهێنه‌رێ ئه‌رجه‌نتينى باوزا گرێدا، به‌لێ ئه‌وژى پشتى ئه‌نجامدانا 5 ياريێن هه‌ڤالينى هاته دوورخستن.
دبيت ئه‌گه‌رێ ره‌تكرنا ئه‌نشيلوتى بۆ وه‌رگرتنا ئه‌ركێ راهێنه‌ريا هه‌لبژارتيێ سعوديێ بۆ وێ چه‌ندێ بزڤريت كو يێ دقۆناغا دانوستاندنان دا ل گه‌ل ئێكه‌تيا ئيتالى يا ته‌پا پێى بۆ وه‌رگرتنا پۆستێ راهێنه‌رێ هه‌لبژارتيێ ئيتاليا، پشتى راهێنه‌رێ وێ به‌رێ هاتيه دوورخستن ژبه‌ر نه‌سه‌ركه‌فتنا وى دگه‌هاندنا ئيتاليا بۆ مونديالا رۆسيا 2018، كو دێ بيته جارا ئێكێ د 60 سالێن بۆرى دا ئيتاليا ل مونديالێ ياريێ نه‌كه‌ت.
