كارگه‌هه‌كا كبریتێ یا داعش هاته په‌قاندن
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ئاشكراكر، فڕۆكه‌یێن هه‌ڤپه‌یمانان ل میحوه‌رێ گوێڕ كارگه‌هه‌كا چێكرنا كبیریتی ژناڤبریه، كو ژلایێ داعش بۆ مه‌ره‌مێن خوه یێن سه‌ربازی بكار دئینا.
عه‌لی چه‌مچه‌مالی، فه‌رماندێ پێشمه‌رگه‌ی ل میحوه‌رێ گوێڕ ب ئه‌ڤرۆ نیۆز راگه‌هاند” فڕۆكه‌یێن هه‌ڤپه‌یمانان ل گوندێ عه‌دله یێ گرێدایی پارێزگه‌ها مووسل كارگه‌هه‌كا كبریتێ ته‌قاندیه و ب ئێكجاری ژناڤبریه، ئه‌ف كارگه‌هه لسه‌رده‌مێ به‌رێ بۆ كاروبارێن حوكمه‌تێ و تاقیگه‌هان دهاته بكار ئینان”.
چه‌مچه‌مالی گۆتژی” ئه‌ف كارگه‌هه ژلایێ داعش بۆ مه‌ره‌مێن چێكرنا بۆمب و لێدانا پێشمه‌رگه‌ی دهاته بكار ئینان و زۆر زیان گه‌هاندینه پێشمه‌رگه‌ی، چونكو كه‌ره‌سته‌یێ كبریت ناڤا بۆمبێن داعشدا هه‌بوو به‌رهه‌مێ ئه‌ڤێ كارگه‌هێ بوویه.