كار بۆ راکرنا خالێن گومركی یێن دناڤبەرا هەرێمێ و بەغدا دهێته کرن
ئەڤرۆ نیوز ، زنار تۆڤی:
حوکمه‌تا فیدرالی یا عیراقی و حوکمه‌تا هه‌رێما كوردستانێ كار بۆ راکرنا خالێن گومركی یێن دناڤبەرا هه‌ولێر – كه‌ركووك و سلێمانی كه‌ركووك دهێتە كرن، ب ئەگەرێ خیانه‌تا 16 ئۆكتۆبه‌رێ ل سالا بوری، رێیا سه‌ره‌كى یا دناڤبەرا هه‌ولێر و كه‌ركووكێ دا هاتیە داخستن و ل پردێ هێزا پێشمه‌رگێ كوردستانێ روو ب روو میلیشیاتێن حه‌شد و سوپایێ عێراقێ بوون.
ئه‌ڤرۆ چارشه‌مبی 7/11/2018 كۆمبوونه‌ک هاتیە ئه‌نجامدان دناڤبەرا نوونه‌رێن حوکمه‌تا هه‌رێما كوردستانێ و حوکمه‌تا فیدرال یا عیراقێ، دەربارەی راکرنا وان خالێن گومركی یێن كو دناڤبەرا كه‌ركووك و باژێرێن هه‌رێما كوردستانێ هاتینە دانان و دڤی ماوه‌ی‌دا لێك نێزیكبوونه‌کا باش دناڤبەرا هه‌ولێر و به‌غدا هه‌یه.
ب ئەگەرێ روودانێن خیانه‌تا 16 ئۆكتۆبه‌رێ ل سالا بوری، حوکمه‌تا عیراقێ ب مه‌رج ئه‌ڤ رێیە ڤەكریه، ئه‌و ژی ب دانانا گومركێ بوو هه‌ر كه‌لوپه‌لەکێ دهێته هاورده‌کرن بۆ كه‌ركووك و باژێرێن خوارێ یێن عیراقێ باجێ بێخنە سه‌ر كه‌لوپه‌لان، ئه‌ڤە ژی بوویه بارگرانی بۆ وەلاتیێن كه‌ركووكێ و نەرازیبوونەکا زۆر لێكه‌فتیە.
