كار دكه‌ت دا خه‌لكى ب پاره‌ بێخيت

ئه‌ڤرۆ نيوز، هه‌يفا دۆسكى:

رۆژانه‌ ب مه‌ره‌ما كارى ژ مال ده‌ردكه‌ڤيت، به‌لێ كاره‌كێ بێ مووچه‌ و ل جهێ وێ چه‌ندێ ژى ئه‌و ژ به‌ريكا خوه‌ پاران دمه‌زێخيت ب تنێ دا هنده‌كێن دى ب پاره‌ بكه‌ڤن.

سه‌ميرا ئه‌حمه‌د ژنه‌كا 37 سالى يا خێزانداره‌ و چار زارۆ هه‌نه‌، ئه‌و ده‌رچوويا سه‌ره‌تايى يه‌، به‌لێ هه‌تا نوكه‌ زێده‌ترى 200 كه‌سان ب مووچه‌ خستينه‌.

سه‌ميرا خان ئه‌ڤه‌ 15 ساله‌ دروارێ دكه‌ت و ژنان ژى فێرى دروارێ دكه‌ت، نوكه‌ ژى 50 كه‌س ل به‌ر ده‌ستێ وێ نه‌ دا كو فێرى دروارێ ببن و ب وێ رێ ب مووچه‌ بكه‌ڤن و ئه‌و دبێژيت: “حه‌ز ناكه‌م چو ژن د بێ مووچه‌ بن و به‌رێ وان ل ده‌ستێ زه‌لامێ وان بيت”.

ديار دكه‌ت ژى كو نوكه‌ ژنان حه‌زا ل به‌رخوه‌كرنا جلكێن كوردى هه‌يه‌ و ژ به‌ر هندێ ژى ئه‌ڤێن فێرى دروارێ دبن دێ شێن ب ڤێ رێ خوه‌ ب خودان كه‌ن.

کۆمێنتا تە