كرێكاره‌كێ بيانى گيانێ خوه ژ ده‌ست دا
ئه‌ڤرۆ نيوز:
رێڤه‌به‌ريا پۆليسێن هه‌ولێر راگه‌هاند كو كه‌سه‌كێ ئيتالى يێ 52 سالى ژ قاقێ حه‌فتێ يێ ئاڤاهيه‌كى كه‌فتيه و ب گۆره‌يى پێزانينێن ده‌سپێكى د جهـ دا گيانێ خوه ژ ده‌ست دايه.
پۆليسێن هه‌ولێر ل په‌يجێ خوه يێ فه‌يسبۆكى نڤيسيه: دوهى 17\1\2015 پۆليسێن هه‌ولێر هاتنه ئاگه‌هداركرن ل سه‌ر روودانه‌كا مرنێ ل جادا 100 مه‌ترى و پشتى گه‌هشتنا پۆليسان بۆ جهێ روودانێ ديار بوو كو كرێكاره‌كا بيانى ب ناڤێ “نيكۆلا ديلۆ ئاياكانۆ” يێ 52 سالى ب ره‌گه‌ز ئيتالى ل ده‌مێ كاركرنێ ل قاتێ حه‌فتێ يێ باله‌خانه‌كێ د جهـ دا گيانێ خوه ژ ده‌ست دا.
ئاماژه ب وێ چندێ ژى كريه كو دوسيا ڤه‌كۆلينێ بۆ ڤێ روودانێ هاتيه ڤه‌كرن و بريار دا گۆتنێن ئه‌و كه‌سێن روودان ب چاڤ ديتى وه‌ربگرن و پشكنين و نه‌خشه‌يێ روودانێ بهێته كێشان بۆ ئاشكرا كرنا روودانا دروست ل گه‌ل وه‌رگرتنا گۆتنێن داخوازكه‌رێن مافێن كه‌سێ مرى.
