كه‌سه‌كى دايكا خوه كوشت
ئەڤرۆ نیۆز،عەزیز هەورامی
ژبه‌ر هه‌بوونا كێشه‌كا خێزانى، كه‌سه‌ك ل قه‌زا په‌نجوين دايكا خوه دكوژيت وپشتى ئه‌نجامدانا تاوانا خوه ژلايێ پۆليسان ڤه دهێته ده‌سته‌سه‌ركرن.
ريڤه‌به‌ريا پۆليسێن پاريزگه‌ها سلێمانيێ راگه‌هاند” ل قه‌زا پنجوين كوره‌كى دايكا خوه كوشت ژئه‌گه‌رێ هه‌بوونا كێشه‌كا خيزانى”.
رێڤه‌به‌ريا ناڤبرى دياركر” ئه‌ڤرۆ دوشه‌مبى 13/8/2018 ژنه‌كا 69 سالى گيانێ خوه ل نه‌خوه‌شخانێ ژده‌ستدا پشتى دوهى ژبه‌ر كێشه‌كا خيزانى وشه‌ره‌ده‌ڤێ ل گه‌ل كورێ خوه ب سه‌ختى هاتيه برينداركرن ل سه‌ر ده‌ستێ وى”.
ئاماژه دا كو ڤه‌كۆلين دڤێ روودانێ دا يا ده‌ستپێكرى وتۆمه‌تبار ل دووڤ بريارا دادوه‌رى وب گۆره‌ى مادێ 405 ژ قانوونا سزايان يا عيراقێ يێ هاتيه ده‌سته‌سه‌ركرن وزيندانكرن.
