كه‌سه‌ك هاته كوشتن و ئێك ژى برینداربوو
ئه‌ڤرۆ نیوز، نه‌وزاد هلۆرى:
ئێڤاريا دره‌نگ يا ئه‌ڤرۆ پێنجشه‌مبى 13/6/2019 ل سه‌ر كێشه‌كا ئه‌ردى، شه‌ر د ناڤبه‌را دو بنه‌مالان ل گوندێ جرگان ل ناحیا هه‌ریر دروست بوو، د ئه‌نجام دا كه‌سه‌ك هاته كوشتن وئێك ژى برينداربوو.
حازم عه‌لى، كه‌سوكارێ ئه‌و كه‌سێ هاتیه كوشتن بۆ ئه‌ڤرۆ نیوز گۆت” ل سه‌ر كێشه‌كا ئه‌ردى د ناڤبه‌را دو بنه‌مالێن گوندێ جرگان ل ناحیا هه‌ریر شه‌ر دورست بوو، د ئه‌نجام دا كه‌سه‌كێ نێزیكێ مه ب ناڤێ (سه‌دو عبدولره‌حمان سه‌دو) هاته كوشتن كو كارێ وى پێشمه‌رگه‌یه، دیسان برایێ وى ژى ب ناڤێ (قاسم عه‌بدولره‌حمان سه‌دو) برینداربوویه”.
زێده‌تر گۆت: (هیڤدارین ژ جهێن شوله‌ژێ ب زوترین ده‌م كێشا وى گوندى چاره‌سه‌ر بكه‌ن، به‌روڤاژى دێ روودانێن جڤاكى زێده‌تر بن، ته‌رمێ وى كه‌سى ل هه‌ر گوندى هاته ڤه‌شارتن، ره‌وشا بریندارى ژى تا رادیه‌كێ باشه).
