كه‌لوپه‌لێن NASA گەھشتنە دھۆکێ
ئەڤرۆ:
بڕیارە ب رێیا Roads of success کاروانەکێ ھاریکاریان ژ ھەموو وەلاتێن ئێکگرتی یێن ئەمریکی بگەھینە ئاواران، ئێکەم کاروان ژی دوھی ل چیایێ شنگالێ ھاتە بەلاڤکرن و ھندەک کەلوپەلێن ئاژانسا NASA یا ئەمریکی ژی د گەل دابوون.
نوونەرێ کەنیسا ئنجیلا ئازاد ل دھۆکێ عادل شموئێل دیارکر کو ھژمارەکا زۆرا کەلوپەلان و ٥٠٠ پارچێن تایبەت ل شوونا جلکان کو دتایبەتن ب وان کەسێن ل گەل ئاژانسا ناسا یا ئەمریکی کار دکەن ل دەمێ دچنە ئەسمانی داکو ھەست ب پلا گەرماتیێ نەکەن د گەل دانە دێ بۆ ئاواران ھێنە دان، کو جارا ئێکێ یە دھێنە عیراقێ و ئاژانسا ناسا سوزدایە دێ بەردەوام بن ل سەر ڤان ھاریکاریا.
عادل شموئیل ھەروەسا دیارکر کو ئەمریکا ل سەر پرۆژەیەکی کار دکەت ھەر ویلایەتەک دێ شاحینەکا ھاریکاریان بۆ مە فرێ کەتە ھەرێما کوردستانێ و کەنیسێن ئەمریکا و ئەوروپا ژی پشکدارن بۆ ئاوارێن ھەرێما کوردستانێ و گۆت ئەم ب ھەڤکاری ل گەل رێڤەبەریا گشتی یا ساخلەمیا دھۆکێ ڤان ھاریکاریان دێ گەھینینە ئاوارێن پارێزگەھا دھۆکێ و وان جھێن پتر پێدڤی پێ ھەی.
ڤان لایەنان بەری دەمەکی سەرەدانا ھەرێما کوردستانێ کر بوون و سۆز دابوو بارەکێ مەزن یێ ھاریکاریان بۆ ھەرێمێ فرێ کەن و گەرەکا وان ھاریکاریان گەھشتن ل دووڤ گۆتنێن عادل شموئیلی.
