كوردستانێ كورسییا فەرمـی ل تۆڕا نێڤدەولەتی یا G100 ب دەستڤەئینا
شاندەكێ نوونەراتیا ژنێن كورد پشكداری لۆتكەیێ سەركرداتیا نێڤدەولەتی G100 بۆ سالا 2026 ل پورتوگالێ كر و شیان دیتنا بەربەلاڤا قوربانیبوونێ بۆ سەركرداتی و دەستپێشخەریێ ب گوهۆڕن، دیسا د دووماهیا لۆتكەیێ دا دەستكەفتەكێ گرنگ بۆ هەرێما كوردستانێ ب دەستڤە بینن و نوونەراتییا فەرمی یا كوردستانێ د وێ تۆڕا جیهانی دا هاتە راگەهاندن.
د ناڤبەرا 8 بۆ 10ی ئۆكتۆبەرا 2026، ل باژێڕێ سێسیمبرایێ پورتوگالێ، كۆبوونا سالانە یا لۆتكەیا سەركرداتییا G100 ب ناڤونیشانێ هێز، كاریگەری و ئەنجام، ژن گۆڕانكاریان دروست دكەن، بڕێڤەچوو، لۆتكە یێ تایبەت بوو ب كۆمكرنا ژنێن سەركردە، خودانكار، یاساناس و كەسایەتیێن كاریگەرێن جیهانێ ب ئارمانجا داڕشتنا سیاسەتا نوو بۆ بهێزكرنا پێگەهێ ژنان وارێن نێڤدەولەتی دا.
د ڤی كۆڕبەندێ جیهانی دا، ژنێن كورد ب ڕێیا سێ دامەزراوەیان پشكدارییەكا كارا تۆمار كر، كو پێكهاتبوون ژ شیرین زەكی و ئارێز محەمەدی ب نوونەراتییا فیدراسیۆنا ژنێن دیاسپۆڕا یا كوردستان و ئاورنگ شاوەیس ب نوونەراتییا سەنتەرێ كەی جی لۆبی و كۆنگرێسێ نەتەوە و دەولەتان.
نوونەرێن كورد د دو گۆتارێن سەرەكی دا دیتنا نوو یا ژنێن كورد ئێخستە بەردەم پشكداربوویان.
د دووماهی رۆژا كۆمبوونێ دا، خاتوین شیرین زەكی ب شێوەیەكێ فەرمی وەكو نوونەرا تۆڕا G100 بۆ كوردستانێ هاتە دیاركرن.
تۆڕا G100 ئێكە ژ كاریگەرترین هەڤپەیمانیێن نێڤدەولەتی یێن ژنان، كو ژ 100 ژنێن سەركردە یێن دیار یێن جیهانێ د بیاڤێن جودا یێن بڕیاردان، سیاسەت، ئابووری و مافێن مرۆڤی پێكدهێت، ئارمانجا ڤێ تۆڕێ داڕشتنا سیاسەتێن نێڤدەولەتییە ب ئاراستەیا دەسهەلاتدان ب ژنان و چەسپاندنا دادپەروەرییا جڤاكی.
