كورد ب ڤى مه‌رجى دێ پشكدارى حوكمه‌تا عيراقێ بن
ئه‌ڤرۆ نيوز:
نێچیرڤان بارزانی و شاندێ بلندا ھەڤپەیمانییا ئاڤەدانی و چاکسازیێ ھەڤرا بوون، کو پرۆسەیا سیاسی یا ئیراقێ ل سەر بنەمایێن ھەڤپشکی، وەکھەڤی و سازانێ، ب رێڤە بچیت و کێشەیێن ھەولێر و بەغدایێ ل گۆرەیێ دەستووری بھێن چارەکرن.
نێچیرڤان بارزانی، سەرۆک وەزیرێ ھەرێما کوردستانێ و جێگرێ سەرۆکێ پارتی ديموكراتى كوردستان پێشوازی ل شاندا بلندا ھەڤپەیمانییا ئاڤەدانی و چاکسازیێ ب سەرۆکاتییا عەمار حەکیم کر، تێدا شاندا ئیراقی باس ل رۆلێ پارتی ل ھەرێما کوردستانێ و ئیراقێ کر و پشکدارییا وێ یا بھێز د پرۆسەیا سیاسی یا ئیراقێ دا ب گرنگ ناڤکر.
د کۆمبوونێ نێچیرڤان بارزانی و شاندا ئیراقی ھەڤرا بوون کو پرۆسەیا سیاسی ل سەر بنەمایێن ھەڤپشکی و وەکھەڤی و سازانێ برێڤە بچت و کێشەیێن ھەولێر و بەغدایێ بھێن چارەکرن.
ژ ئالیێ خوەڤە نێچیرڤان بارزانی دوپاتکر: کو پارتی دخوازیت ل سەر ھەرسێ بنەمایان و دابینکرنا مافێن دەستووری یێن گەلێ کوردستانێ پشکدارییەکا بھێز د پرۆسەیا سیاسی یا ئیراقێ دا بکەت.
