كونفرانسه‌كێ گه‌شتیارییێ نێڤده‌وله‌تى دێ هێته گێران
ئه‌ڤرۆنیۆز، سالار دۆسكى:
په‌یڤدارێ ده‌سته‌یا گه‌شت و گوزارێ ل هه‌رێما كوردستانێ ئاشكراكر كو نوكه یێ به‌رهه‌ڤیان دكه‌ت بۆ ئه‌نجامدانا كونفرانسه‌كێ گه‌شتیارى ل هه‌ولێرێ ل ده‌مه‌كێ نێزیك.
نادر روستى په‌یڤدارێ ده‌سته‌یا گه‌شت و گوزارێ ل هه‌رێما كوردستانێ بۆ ئه‌ڤرۆ نیۆز گۆت: كونفرانسه‌كێ گه‌شتیارى یێ نێڤده‌وله‌تى ل هه‌رێما كوردستانێ ل مه‌ها دوازده دێ هێته به‌ستن، نوونه‌رێن وه‌لاتێن جیهانێ و نوونه‌رێن كومپانیێن گه‌شتیارى ل سه‌ر ئاستێ جیهانى دێ پشكداریێ كه‌ن.
روستى ئاشكراكر كو ئارمانج ئه‌وه زێده‌تر جهێن گه‌شتیارى ل كوردستانێ بۆ جیهانێ بهێنه نیاسین و پتر ئه‌ڤ كه‌رته رولێ خوه بگێریت و دیسان وبه‌رهێنانا گه‌شتیارى هه‌رێما كوردستانێ پتر رۆلێ خوه بینت و پتر په‌یوه‌ندى دناڤبه‌را كومپانیێن كوردستانێ و جیهانێ بهێنه خورتكرن و دیسان وبه‌رهێنه‌رێن جیهانێ بهێنه كوردستانێ و ئه‌ڤ كه‌رته پێش كه‌ڤیت.
ئاشكراكر ژى كو كونفرانس دێ دو رۆژان به‌رده‌وام بیت و رۆژا سیێ سه‌ردان بیت بۆ جهێن گه‌شتیارى و دیسان داخوازى دێ بۆ گه‌له‌ك وه‌لاتان هێته هنارتن.
