كوچه‌ر بيركار ب زانايێ سالێ هاته هه‌لبژارتن
ئه‌ڤرۆ نيوز:
ده‌زگايێ پرۆسپێكت (prospect) پروفيسورێ كوردێ رۆژهه‌لاتێ كوردستانێ كوچه‌ر بيركار زانايێ بيركاريێ وه‌ك بيرمه‌ند و زانايێ سالێ هه‌لبژارد.
ئه‌ڤرۆ رۆژا سێشه‌مبى 3/9/2019، 50 سه‌ركه‌فتيێن ناڤدارێن جيهانێ بۆ بده‌ستڤه‌ئينانا ناسناڤێ زانايێ سالا 2019 راگه‌هاند و تێدا كوچه‌ر بيركار ماموستايێ زانكويت كامبرێج يا برێتانى وه‌ك ئێكه‌م زانايێ سالێ هاته هه‌لبژارتن.
ل دووڤ هه‌مان ژێده‌ر دياركر كو زێده‌تر ژ 10 هزار كه‌سان پشكدارى د ده‌نگدانێ دا كربوو بۆ هه‌لبژارتنا زانايێ سالێ برێيا ئه‌نترنێتێ و ل دووماهێ زانايێ كورد كوچه‌ر بيركار بوو سه‌ركه‌فتيێ ئێكێ و ئه‌ڤ ناسناڤه ده‌ستخوه ڤه ئينا.
كوچه‌ر بيركار ناڤێ وى يێ دروست ( فره‌يدوون دره‌خشانى) يه خه‌لكێ باژێرێ مه‌ريوان يێ رۆژهه‌لاتا كوردستانێ و ل سالا 2018 شيابوو خه‌لاتێ فيلدز يێ بيركاريێ كو ب نوبلا دونيايا زانستا بيركاريێ دهێته هژمارتن ده‌ستخوه ڤه ئينابوو.
