كوڤان بابێ مونایێ وەغەركر
ئەڤرۆنیۆز، سالار دۆسكی:
سەرۆكا سەندیكا هونەرمەندێن كوردستانێ لقێ دهۆك ئاشكراكر كو ئەڤرۆ 23/9/2018 هونەرمەند كوڤان بابێ مونایێ وەغەرا دووماهیێ كر.
ئەڤین حسێن، سەرۆكا لقێ دهۆك یا سەندیكا هونەرمەندێن كوردستانێ بۆ ئەڤرۆ نيۆز گۆت” ئەڤرۆ 23/9/2018 هونەرمەندێ مۆزیكژەن(عنتەر) یێ ناسیار ب (كوڤان بابێ مونایێ) برایێ هونەرمەندێ وەغەركری(عەبدالواحد زاخۆیی) وەغەرا دووماهیێ كر، هەر ئەڤرۆ ئێڤاری ل گورستانا زاخۆ هاتە ڤەشارتن”.
هونەرمەند عنتەر یێ بەرنیاس ب بابێ مونایێ لێدەرێ ئامیرێن بزق و ئورگنێ بوویە ژ مالەكا هونەرمەند بوویە و ب درێژاهی یا ژیانا خوە پتر هونەری دا دەرباز كریە و پشكداری هەلكەفت و بیرهاتن و ئاهەنگان بوویە، ماوێ چەند سالانە تووشی نەخوشیەكی ب بوو و دیتنا هەر دوچاڤن ژ دەست دابوو و توشی نەخوشیێن دەروونی ببوو.
