كچێن هه‌ولێر بوونه قاره‌مانێن فوتسالا عيراقێ
ئه‌ڤرۆ نيوز، نيوار محه‌مه‌د سه‌ليم:
كچێن هه‌ولێر بوونه قاره‌مانێن فوتسالا عيراقێ پشتى سه‌ركه‌فتن ل سه‌ر كچێن ئيسكان تۆمار كرى ب سێ گۆلان به‌رامبه‌ر گۆله‌كێ و ب ناسناڤێ خولا فوتسالا عيراقێ هاتنه خه‌لاتكرن.
كچێن هه‌ولێر و ئيسكان هه‌ردو گه‌هشتبوونه ياريا دووماهيێ يا خولا فوتسالا نايابا عيراقێ پشتى سه‌ركه‌فتن ل سه‌ر هه‌ر ئێك ژ تيمێن مه‌سافى باكوور، نه‌سر و سه‌لام، كچێن به‌غداد، به‌له‌دى تۆماركرين.
نيڤا ئێكێ ژ ڤێ ياريێ كچێن هه‌ولێر د به‌رژه‌وه‌ندا خوه دا ب دووماهى ئينابوو ب سێ گۆلان به‌رامبه‌ر گۆله‌كێ و نيڤا دويێ ژى سه‌ره‌راى كچێن ئيسكان شيان گۆله‌كا دى تۆماركه‌ن، به‌لێ گۆتنا دووماهيێ يا كچێن هه‌ولێر بوو، ئه‌وا شيايى گۆلێن خوه ب رێيا نه‌سرين خه‌يرولا سه‌جا كه‌مال و حه‌ميدا محه‌مه‌د تۆمار بكه‌ن.
ژ لايه‌كێ دى ڤه د ياريا دياركرنا رێزێن سيێ و چارێ دا، تيما به‌له‌دى ب لێدانێن په‌نه‌لتيان سه‌ركه‌فتن ل سه‌ر تيما نه‌سر و سه‌لام تۆماركر ب لێدانێن په‌نه‌لتيان پشتى ده‌مێ درستێ ياريێ ب گۆله‌كێ ب دووماهى هاتى.
