كۆلانێن گوندان ل سنۆرێ ناوچەدرییا دێرەلۆكێ دهێنە چێكرن
ئامێدیێ، مەحمود نهێلی:
د بەردەوامیا گەهاندنا پڕۆژەیێن خزمەتگوزاری دا، ئەوێن ژلایێ حوكمەتا هەرێما كوردستانێ ڤە بۆ دەڤەرا ئامێدیێ دهێنە پێشكێشكرن، جادە و كۆلانێن گوندێ گەلەكا ل سنۆرێ ناوچەدارییا دێرەلۆكێ دهێنە چێكرن و گوژمێ پێدڤی ل سەر بودجەیا پارێزگەها دهۆكێ بۆ هاتیە دابینكرن.
رێبەر سادق، رێڤەبەرێ ناوچەدارییا دێرەلۆكێ بۆ رۆژناما ئەڤرۆ دیاركر، ژ بۆ پتر گرنگی دان ب گوندان و چێكرنا رێكێن وان و ڤەكرنا رێكێن سەرەكی، كار ل سەر چێكرن و سەبكرنا كۆلانێن گوندێ گەلەكا ل سنۆرێ ناوچەدارییا دێرەلۆكێ بەردەوامە و د قووناغێن دوماهیێ دایە و نوكە دهێنە سەبكرن و گۆت: «پڕۆژەیێن چێكرنا جادەیێن ڤی گوندی ل سەر بودجەیا تایبەت یا پارێزگەها دهۆكێ دهێتە بجهئینان».
گۆت ژی: «ئەڤ پڕۆژەیە د دەمەكێ نێزیك دا دێ كەڤیتە د خزمەتا خەلكێ دەڤەرێ دا و دێ خەلكێ ڤی گوندی شێن مفایەكێ باش ژێ وەگرن».
