كۆلیژەك و سێ پشكێن نوو بـۆ سالا نوو یا خواندنێ ل زانكۆیا ئاكرێ دێ هێنە ڤەكرن
رەمەزان زەكەریا:
ب مەرەما گەشەپێدانا ئاستێ خواندنێ و دابینكرنا پێدڤیێن بازاڕێ كاری، كۆلیژەكا نوو و سێ پشكێن نوو یێن خواندنێ بۆ سالا نوو یا خواندنێ ل زانكۆیا ئاكرێ دێ هێنە ڤەكرن.
عەبدوللا بەیتاش، ڕاگەهاندنكارێ زانكۆیا ئاكرێ بۆ ئەڤرۆ خویا كر، ب بزاڤێن بەردەوام یێن سەرۆكێ زانكۆیێ ئەو كۆلیژە و پشكێن نوو دێ هێنە ڤەكرن و ئارمانج ژێ ئامادەكرنا قوتابیانە بۆ بازاڕێ كاری.
ناڤبری گۆت: «مەرەما زانكۆیێ ئەوە، پتر گرنگیێ ب بیاڤێ كرداری بدەت، دا كو دەلیڤەیێن كاری بۆ دەرچوویان زێدەتر بن، راستە هەتا نوكە چو گەڕێن دەرچوونێ نەهاتینە ئەنجامدان، بەلێ زانكۆیا ئاكرێ پلان هەیە، بۆ ئەڤ سالە دو گەڕێن دەرچوونێ یێن سالێن 2024 – 2025 و 2025 – 2026 پێكڤە ئەنجام بدەت».
