كۆنفرانسەكێ نێڤدەولەتیێ دەروونناسی ل زانكۆیا دهۆكێ هاتـە گێڕان
ب ئامادەبوونا ماجد سەید سالح، جێگرێ پارێزگارێ دهۆكێ و ئەلبرێشت فۆن ڤیتكە، قونسلێ گشتیێ وەلاتێ ئەلمانیا ل هەولێرێ و سەرۆكێ زانكۆیا دهۆك و هژمارەكا ڕێڤەبەر و بەرپرس و نوونەرێن رێكخراوێن نێڤدەولەتی، دوهی 3/11/2024 پەیمانگەها چارەسەریێن دەروونی و چارەسەریێن تراومایێ ل زانكۆیا دهۆك ب هەڤكاری ل گەل زانكۆیا DHBWیا ئەلمانی و خزمەتا ئاشتیا سڤیل یا هەڤكاریا نێڤدەولەتی یا ئەلمانی GIZ و چەند رێكخراوێن نێڤدەولەتی، ل ژێر درووشمێ «دەرونناسی و چارەسەریێن دەروونی بۆ پاشەڕۆژێ، پێكڤە د دروستكرنا هیڤیاندا» كۆنفراسێ خۆ یێ چارێ یێ نێڤدەولەتی گێڕا.
جێگرێ پارێزگارێ دهۆكێ د پەیڤەكێ دا دەستخوشی ل رێكخەرێن كۆنفراسی كر و گۆت: «حكومەتا هەرێما كوردستانێ و كابینەیا نەهێ بەردەوام گرنگی ب ڕوو ب ڕووبوونا هەر نەخوشیەكێ دایە و پشتەڤان بوویە بۆ چارەسەریێ، دیسا ڕول و هەڤكاریا رێكخراوێن نێڤدەولەتی ل گەل سازیێن حكومەتێ بلند هەلسەنگاند و خواست بەردەوام بن».
ل دووماهیا كۆنفرانسی ژی پێشانگەهەكا كارێن هونەری یا كەڤالێن جودا جودا هاتە ڤەكرن.
