كۆڤانا عەشقا تە
خالد عەلی سلێڤانەیی
كوڤانا عەشقا تە دلێ من پێچا
هزر ئاوارەبوون ئەز چ بكم ڤێجا
دناڤ بەرا من و تە دا دویراتیا دوو خەونا یە
رێكا من بارۆڤە و هڕە نە من مافە و نە پەنایە
داخوازا من ل ڤێ ژینێ بەژنا تە و دلەك تەنایە
***
بەلگ بەلگ ئەز یێ د وەرم مینا دارەكا بێ بەرم
دل ماندی مە بێ خۆشی مە د چاڤێن تەدا ل خۆشیێ دگەڕم
دلی ئاڤبدە ب ئەڤینێ تەحلە ڕۆژا ل م بكە شەكر
من نە زڤڕینە بێ هیڤی من ئەڤرۆكە قەستا تە كر
ژییێ مایی بلا بژیم من گەلەك كەیف ژ دەست خوەكر
***
گەشتا دلی من زیندانە مرنە ل من ئەڤ ژیانە
چەند ل من بت شەڤ و تاری من دگەل نالینا ژڤانە
وەرە و برینێن من ب دروی هاویشكە ئارۆنكێن دلی
توی ب تنێ هەدار من ئێكەمین ڤینا من كری
تو ل من نە رەڤینی خەما هەر دێ سۆژم ب ڤی ئاگری
سێمێل – 1999
