كێشا پاركێ چاره بوو
ئەڤرۆ نیۆز، سالار دۆسکی:
پشتی کێشا پارکا (مەرجان) ئەوا ل سەر روويێ ٢٣ ھزارمەترێن چار گوشە، ل تاخێ زرکا بوویە جھێ کێشان و ڤەکێشانێ د ناڤبەرا خەلکێ تاخی و ئەندامێن پەرلەمانێ کوردستانێ و چەندین کەساتیێن دەڤەرێ ژ لایەکی ڤە، باژێرڤانیا دھۆکێ ژ لایەکێ دی ڤە کو یا رژد بوو کو بیتە پرۆژەکێ کەرتێ تایبەت، دیسا بوویە بابەتێ رۆژنامە و تۆرێن جڤاکیێن فێسبووکێ و ھەر کەسەکی بۆچوونەک دیارکر، جێگرێ پارێزگەرێ دھۆکێ ب رێیا ئەڤرۆ نیۆز بابەت ئێکلاکر.
ئيسماعیل محەمەد جێگرێ پارێزگەرێ دھۆکێ د داخویانیەکا تایبەت دا بۆ ئەڤرۆ نیۆز گۆت: “کارگێریا پارێزگەھا دھۆکێ د گەل بۆچوونا خەلکی یە چونکو پرۆژە د خزمەتا خەلکی دایە و بۆ وەلاتیانە”.
جێگرێ پارێزگەری گۆتژی: “مە داخواز کریە گرێبەست بھێتە ھەلوەشاندن، چونکو بەرژوەندا گشتی ل دەڤ مه گرنکترە ژ گرێبەستەکێ یان ھەر کارەکى یان ببیتە كازینۆ”.
دا زانين كو ئه‌و د چاڤەرێ نە د ماوێ 48 دەمژمێرێن بھێت دا د گەل وەزارەتا باژێرڤانیێ گرێبەست بھێتە ھەلوەشاندن و گۆت: “بابەت دێ ئێکلابیت”.
