كێمترین مووچەیـێ خانەنشینیێ ل هەرێمێ بوویە 500 هزار دینار
دهۆك، دلۆڤان ئاكرەیی:
مەریوان بەگۆك، ڕێڤەبەرێ گشتی یێ كار و دەستەبەرا جڤاكی ئاشكرا كر، پشتی بڕیارا مەسرور بارزانی، سەرۆكوەزیرێن هەرێما كوردستانێ بۆ زێدەكرنا مووچەیێ كرێكارێن خانەنشین، وەزارەتا دارایی رێنومایێن خۆ بۆ زێدەكرنا مووچەیێ كرێكارێن خانەنشین دیار كرن، د مەزاختنا مووچەیێ مەها ئیلۆنێ دا بڕیار هاتە بجهئینان.
ناڤهاتی گۆت: «بەری ڤێ بڕیارێ مووچەیێ كرێكارێن خانەنشین ژ 150 هزار دیناران دەست پێ دكر و د ڤێ مەهێ دا گوهۆڕین ب سەر مووچەیێن وان دا هات و كێمترین مووچە بوویە 500 هزار دینار».
دەربارەی مەرجێن وەرگرتنا ڤی مووچەی ناڤبری گۆت: «ئەگەر ل سەر بنەمایێ ژی بیت؛ دڤێت ژییێ زەلامی ژ 60 سالیێ و ئافرەتان ژ 55 سالان كێمتر نەبیت، دیسا 20 سالێن خزمەتا دەستەبەریێ هەبن و بۆ وان كرێكارێن نەگەهشتینە ڤی تەمەنی، دڤێت زەلامی 30 سال و ئافرەتێ 25 سالێن خزمەتا دەستەبەركری هەبن، دا كو بێ گۆهدانە تەمەنی بهێنە خانەنشینكرن».
