لقێ 11 یێ پارتی كۆڕەك بۆ د. سالار عوسمان ساز كر
دوهی 13/10/2026 لقێ 11 یێ پارتی ل بارەگایێ لقێ ل باژێڕێ ڕانیە، كۆڕەك ب ناڤونیشانێ (ڕەوشا سیاسی یا هەرێما كوردستانێ؛ گرفت و چارەسەر) بۆ د. سالار عوسمان، بەرپرسێ پشكا ڕەوشەنبیری و ڕاگەهاندنا پارتی دیموكراتی كوردستان ساز كر.
د. سالار عوسمان، د وی كوڕی دا تیشك ئێخستە سەر دوماهی گۆڕانكاری و پێشهاتەیێن سیاسیی یێن هەرێما كوردستانێ و دەڤەرێ، ب هووری شلۆڤە بۆ ئاستەنگ و گرفتێن سیاسی، ئابووری و جەماوەری كر. هەروەسا دیتن و ستراتیژیا پارتی بۆ چارەسەركرنا گرفتان، پاراستنا قەوارەیێ هەرێما كوردستانێ، چەسپاندنا تەباییێ د بیاڤێ سیاسی و خزمەتكرنا زێدەتر یا جەماوەری دیاركر.
د. سالار عوسمان دوپاتی لسەر ڕۆلێ گرنگێ كادرێن پارتی كر د بەلاڤكرنا هشیارییا نەتەوەیی و بهێزكرنا پەیوەندییان د ناڤبەرا حزب و جەماوەری دا د ڤێ قووناغا هەستیار دا.
