لوکاکو نێزیکی ئیمزاکرنا ھەڤبەستا ڤێ یانا ئیتالی بوویە
ئەڤرۆ نیوز:
ھێرشبەرێ بەلجیکی و یانا مانچێستەر یوناید رومێلو لوکاکو نێزیکی ئیمزاکرنا ھەڤبەستا یانەکا مەزن یا ئیتالی بوویە پشتی وێ یانا ئیتالی موچەیەکێ مەزن یێ سالانە پێشکێشی ئەوی یاریزانی کری .
رۆژناما لاگازێتا دیللو سپورت یا ئیتالی دیارکریە یانا ئەنتر میلان گەھشتی یە رێککەفتنێ ل گەل ھێرشبەرێ بەلجیکی و یانا مانچێستەر یوناید لوکاکو ب موچەیەکێ سالانە ٧.٥ ملیون یورۆ لێ ئەوێ رۆژنامێ دیارکریە دەستپێکێ ل سەر یانا ئەنتر میلان پێدڤی یە خوەل گەل یانا مانچێستەر ب دووماھیی بینت ژبەرکو ھێشتا ئەوێ یانا ئیتالی دانوستاندن ل گەل یانا مانچێستەر یوناید ب دووماھیی نە ئیناینە.
ئەوێ رۆژنامێ ئاشکراکریە ژی ب ھاتنا لوکاکو بوو ئەنتر میلان وێ چەندێ د گەھینت کو گولکەرێ ئەنتر میلان یێ ئەرژەنتینی ئیکاردی دێ پێکھاتیێ وێ یانێ ب جە ھێلت و چاڤەرێ دھێتەکرن ھەڤبەستێ ل گەل ئێک ژ ھەردو یانێن ریال مەدرید یان مانچێستەر یوناید ئیمزا بکەت.