لیبیێ پێنجێ ژێ گەھشتە زاخۆ
ئەڤرۆ نیوز:
دەستەیا کارگێریا یانا زاخۆ گەھشتە رێککەفتنێ ل گەل یاریکەرێ ھەلبژارتیێ لاوێن لیبیا و یانا نەسر یا لیبی خالد مەجدی بۆ کرنا یاریێ ل گەل تیما زاخۆ یا پشکدار دخۆلا کوردستانێ دا.
تەھا عەبدولکەریم ئەندامێ لژنەیا یاریکەران ل یانا زاخۆ د داخویانیەکێ دا بۆ مالپەرێ ئەڤرۆ نیوز راگەھاند کارگێریا یانا زاخۆ ل گەل دەستەیا راھێنەریا تیما خۆلا کوردستانێ رێککەفتن بۆ ئینانا یاریکەرێ لیبی خالد مەجدی کو بەری نوکە ل ھەردو ھەلبژارتیێن پێگەھشتیان و لاوێن لیبیا کری یە ل ھێلا ھێرشبەریێ یاریێ کەت .
ھەر دیسان ناڤبری دیارکر یاریکەر تنێ دێ یاریێ بۆ خۆلا کوردستانێ کەت بھایێ ھەڤبەستا وی ١٠ ھەزار دولارن بێ موچەیێ ھەیڤانە .
ھەژی گوتنێ یە ئەڤە دبیتە لیبی پێنجی د گەھیتە باژێرێ زاخۆ کو سێ یاریکەر بۆ خۆلا عیراقێ یاریێ کەن و بەری نوکە ژی یاریکەرەکێ دی ژی پەیوەندی ب تيما خولا کوردستانێ کر ی یە .